Vijay Sethupathi | 50 సినిమాల అనుభవం

మక్కల్ సెల్వన్ విజయ్ సేతుపతి కెరీర్ లో 50వ చిత్రం మైలురాయికి చేరుకున్నాడు. సినిమా పేరు 'మహారాజ'. ఈ మూవీ రిలీజ్ కి రెడీ అయింది. నితిలన్ సామినాథన్ దర్శకత్వంలో ప్యాషన్ స్టూడియోస్, ది రూట్ బ్యానర్స్ పై ప్రతిష్టాత్మకంగా తెరకెక్కింది.

అనురాగ్ కశ్యప్ విలన్ గా నటించిన ఈ సినిమాలో విజయ్ సేతుపతి బార్బర్ గా కనిపించాడు. ఇప్పటికే విడుదలైన టీజర్ ట్రైలర్ హ్యుజ్ బజ్ ని క్రియేట్ చేశాయి. ఎన్‌విఆర్ సినిమా ఈ మూవీని ఏపీ, తెలంగాణలలో రిలీజ్ చేయనుంది. ఈ సినిమా జూన్ 14న రిలీజ్‌ కానున్న నేపధ్యంలో హీరో విజయ్ సేతుపతి విలేకరుల సమావేశంలో పాల్గొన్నాడు.

"నా సినిమా జర్నీ అద్భుతంగా సాగుతోంది. 50 సినిమాలు చేశాను. ఈ జర్నీలో దాదాపు 5 వందలకు పైగా కథలు విన్నాను. ఎంతో మందిని కలిశాను. హిట్స్, ప్లాప్స్ చూశాను. రిజల్ట్ ఏదైనా అది గొప్ప అనుభవాన్ని ఇచ్చింది. ఇది చాలా వండర్ ఫుల్ జర్నీ."

ఇలా తన 50 సినిమాల ప్రస్థానంపై స్పందించాడు విజయ్ సేతుపతి. ఇప్పటివరకూ చాలా రకాల సినిమాలు, క్యారెక్టర్స్ చేశానని... మహారాజలో చేసిన క్యారెక్టర్ మాత్రం తన గత సినిమాలకి డిఫరెంట్ గా ఉంటుందని అంటున్నాడు విజయ్ సేతుపతి.

తను చేసే ప్రతి పాత్ర అత్యంత సహజంగా ఉంటుందని అంతా మెచ్చుకుంటారని, అలా సహజత్వం రావడానికి తను చేసే హోమ్ వర్క్, రీసెర్చ్, దరక్శకుడితో లోతుగా సాగే చర్చలు కారణమని తెలిపాడు విజయ్ సేతుపతి.