Venkatesh | సెట్స్ పైకొచ్చిన వెంకటేష్

మొన్నటివరకు రానా నాయుడు సీజన్-2 షూటింగ్ లో బిజీగా ఉన్నారు వెంకటేశ్. ఆ షూటింగ్ కోసం ముంబయిలో చాన్నాళ్లు ఉండిపోవాల్సి వచ్చింది. ఎట్టకేలకు ఆ వెబ్ సిరీస్ షూటింగ్ కు సంబంధించి షెడ్యూల్ పూర్తిచేశారు వెంకటేష్. తాజాగా హైదరాబాద్ వచ్చిన ఆయన, కొన్ని రోజులు రెస్ట్ తీసుకొని కొత్త సినిమా స్టార్ట్ చేశారు.

అనీల్ రావిపూడి దర్శకత్వంలో ఓ సినిమా చేయడానికి వెంకటేష్ ఒప్పుకున్న సంగతి తెలిసిందే. ఈ సినిమా ఆల్రెడీ సెట్స్ పైకి వచ్చింది. ఈరోజు నుంచి వెంకీ జాయిన్ అయ్యారు. ఈ సినిమాలో ఆయన మాజీ పోలీస్ అధికారిగా కనిపించబోతున్నారు.

దిల్ రాజు బ్యానర్ పై తెరకెక్కుతున్న ఈ సినిమా షూటింగ్ గత నెల్లోనే మొదలైంది. ముందుగా హీరోయిన్లపై కొన్ని సన్నివేశాలు తెరకెక్కించారు. మీనాక్షి చౌదరి, ఐశ్వర్య రాజేష్ పై సన్నివేశాలు తీశారు. ఈరోజు నుంచి వెంకీపై సీన్లు తీస్తున్నారు.

ఈ సినిమాను సంక్రాంతికి విడుదల చేయబోతున్నట్టు మరోసారి ప్రకటించారు. భీమ్స్ సిసిలోరియో ఈ సినిమాకు సంగీతం అందిస్తున్నాడు. ప్రస్తుతం ఈ సినిమా షూటింగ్ పొల్లాచ్చిలో జరుగుతోంది.