కొత్త సినిమా స్టార్ట్ చేసిన వీరభద్రం చౌదరి
చాన్నాళ్ల తర్వాత వీరభద్రం చౌదరి నుంచి మరో సినిమా రాబోతోంది. దీని పేరు దిల్ వాలా. ఈరోజు మూవీ లాంఛనంగా మొదలైంది.
లాంగ్ గ్యాప్ తర్వాత దర్శకుడు వీరభద్రం చౌదరి మరోసారి మెగాఫోన్ పట్టబోతున్నాడు. పూలరంగడు, చుట్టాలబ్బాయి లాంటి చిత్రాల దర్శకుడు వీరభద్రం చౌదరి దర్శకత్వంలో మత్తువదలారా, సేనాపతి చిత్రాలతో ప్రసంశలు అందుకున్న నరేష్ అగస్త్య హీరోగా సినిమా రాబోతోంది. డెక్కన్ డ్రీమ్ వర్క్స్ బ్యానర్ పై రాబోతున్న ఈ సినిమాకు దిల్ వాలా అనే టైటిల్ పెట్టారు.
ఈ చిత్రం పూజా కార్యక్రమాలతో ప్రారంభమైయింది. సినిమా లాంచింగ్ ఈవెంట్ లో దర్శకుడు వివి వినాయక్ క్లాప్ ఇవ్వగా హీరో అల్లరి నరేష్ స్క్రిప్ట్ ని అందించాడు. అలీ కెమెరా స్విచాన్ చేశారు.
ఈ కథ చెప్పగానే హీరో నరేష్ అగస్త్య ఓకే చెప్పాడట. ఇక మెరిసే మెరిసే సినిమా చూసి శ్వేత అగస్తిని హీరోయిన్ గా తీసుకున్నారట. ఈ సినిమాకు అనూప్ రూబెన్స్ సంగీతం అందించబోతున్నాడు. మరో కీలకమైన పాత్రలో రాజేంద్రప్రసాద్ కనిపిస్తారు. ఇంతకుముందు నరేష్ అగస్త్య, రాజేంద్రప్రసాద్ కలిసి చేసిన సేనాపతి సినిమా ఓటీటీలో పెద్ద హిట్టయింది. ఇప్పుడీ సినిమాతో ఈ కాంబో మళ్లీ రిపీట్ అవుతోంది.
సెప్టెంబర్ లో ఈ సినిమా రెగ్యులర్ షూటింగ్ మొదలవుతుంది. క్రైమ్ కామెడీ కాన్సెప్ట్ తో వస్తోంది దిల్ వాలా సినిమా.
