Varun Tej | రేపే వరుణ్ తేజ్ కొత్త సినిమా ఓపెనింగ్, ఫుల్ డీటెయిల్స్ ఇవే

ఓ సినిమా పూర్తవ్వగానే, మరో సినిమాకు కాల్షీట్లు ఇస్తున్నాడు వరుణ్ తేజ్. అలా చేతిలో మినిమం 2 ప్రాజెక్టులు ఉండేలా జాగ్రత్త పడుతున్నాడు. ప్రస్తుతం శక్తిప్రతాప్ సింగ్ దర్శకత్వంలో, సోనీ పిక్చర్స్ బ్యానర్ పై ఓ సినిమా చేస్తున్నాడు. మరోవైపు ప్రవీణ్ సత్తారు దర్శకత్వంలో గాండీవధారి అర్జున అనే సినిమా చేస్తున్నాడు.

ఈ రెండు సినిమాల్లో గాండీవధారి అర్జున సినిమా కొలిక్కి వచ్చింది. దీంతో మరో సినిమాకు గ్రీన్ సిగ్నల్ ఇచ్చాడు. కరుణ కుమార్ దర్శకత్వంలో మూవీకి ఓకే చెప్పాడు. రేపు ఈ సినిమా లాంచ్ అవుతుంది. ఈ సందర్భంగా సినిమాకు సంబంధించి చాలా అప్ డేట్స్ బయటకొచ్చాయి

ముందుగా కథ విషయానికొస్తే.. ఈ సినిమా వైజాగ్ నేపథ్యంగా, 1960 బ్యాక్ డ్రాప్ లో నడుస్తుంది. అంటే ఇంతకుముందు కరుణకుమార్ తీసిన సినిమాల్లానే ఇది కూడా పీరియాడిక్ మూవీ అన్నమాట. దీనికి యాక్షన్ ఎలిమెంట్స్ జోడించాడు ఈ దర్శకుడు.

ఇక తాజాగా హీరోయిన్లు ఎవరనే విషయాన్ని కూడా లాక్ చేశారు. ఈ సినిమాలో వరుణ్ తేజ్ సరసన మీనాక్షి చౌదరిని హీరోయిన్ గా తీసుకున్నారు. మరో కీలక పాత్ర కోసం నోరా ఫతేహిని తీసుకున్నారు. నోరాతో సినిమాతో ఓ ఐటెంసాంగ్ కూడా ప్లాన్ చేశారు.

ఇలా ఓపెనింగ్ కు ముందే ఫుల్ డీటెయిల్స్ ఇచ్చేశారు మేకర్స్. రేపు మూవీకి సంబంధించి మరిన్ని వివరాలు బయటకొచ్చే అవకాశం ఉంది. వైరా ఎంటర్ టైన్ మెంట్స్ బ్యానర్ పై మోహన్ చెరుకూరి ఈ సినిమాను నిర్మిస్తున్నారు.