Varun Tej - వరుణ్ తేజ్ మరో ప్రయోగం
Varun Tej - వరుణ్ తేజ్ మరో ప్రయోగం చేయబోతున్నాడు. 80వ దశకం నాటి కథలో నటించడానికి రెడీ అవుతున్నాడు.
ప్రస్తుతం 'గాండీవధారి అర్జున' అనే చిత్రంలో నటిస్తున్నాడు వరుణ్ తేజ్. ప్రవీణ్ సత్తారు దర్శకుడు. ఈ సినిమాతో పాటు సోనీ పిక్చర్స్ సంస్థ ఏవియేషన్ నేపథ్యంలో రూపొందిస్తున్న సినిమా కూడా షూటింగ్ జరుపుకుంటోంది. ప్రస్తుతం ఈ రెండు సినిమాల షూటింగ్స్ తో బిజీగా ఉన్న వరుణ్ తేజ్ మరో భారీ చిత్రానికి అంగీకరించినట్టు సమాచారం.
'పలాన' ఫేమ్ కరుణకుమార్ దర్శకత్వంలో వరుణ్ తేజ్ ఓ సినిమా చేసే ఛాన్స్ ఉంది. 80వ దశకం నేపథ్యంలో సాగే కథ ఇది. ఈ సినిమాలో వరుణ్ తేజ్ పాత్ర పరంగా పూర్తిగా మేకోవర్ అవుతుంది. తన కెరీర్ లోనే ఓ కొత్త ఛాలెంజ్ గా ఈ సినిమాను చూస్తున్నాడు వరుణ్ తేజ్.
అప్పట్లో వచ్చిన రంగస్థలం, తాజాగా వచ్చిన దసరా సినిమాల టైపులో రస్టిక్ గా, అత్యంత సహజంగా ఈ సినిమా ఉంటుందట. ప్రస్తుతానికైతే కథాచర్చలు సాగుతున్నాయి. తను చేస్తున్న రెండు సినిమాల్లో ఏదో ఒకటి కంప్లీట్ చేసిన తర్వాత, కరుణ కుమార్ స్క్రిప్ట్ పై ఓ నిర్ణయం తీసుకుంటాడు వరుణ్ తేజ్.
ఎఫ్3 తర్వాత మళ్లీ హిట్ కొట్టలేకపోయాడు వరుణ్ తేజ్. గని సినిమా అతడి కెరీర్ లోనే బిగ్గెస్ట్ డిజాస్టర్ గా నిలిచింది. దీంతో కాస్త గ్యాప్ తీసుకొని ప్రస్తుతం 2 సినిమాలు చేస్తున్నాడు.
