Sabari Movie: శబరి మూవీ షూటింగ్ అప్ డేట్స్

టాలీవుడ్ హ్యాపెనింగ్ లేడీ వరలక్ష్మీ శరత్ కుమార్ ప్రధాన పాత్రలో తెరకెక్కుతున్న చిత్రం 'శబరి'. తాజాగా మూడో షెడ్యూల్ పూర్తి చేసుకుంది ఈ సినిమా. విశాఖలోని ఆర్కే బీచ్, సిరిపురం జంక్షన్‌తో పాటు అరకు లాంటి అందమైన లొకేషన్లలో షూటింగ్ చేశారు. అక్కడ ప్రధాన తారాగణంపై కొన్ని యాక్షన్ సీక్వెన్సులు, ఒక పాట, కొన్ని కీలకమైన సన్నివేశాలను చిత్రీకరించారు.

నందు, నూర్ మాస్టర్స్ పర్యవేక్షణలో రూపొందిన ఈ యాక్షన్ సీన్స్ సినిమాకే హైలెట్ గా నిలుస్తాయని అంటోంది యూనిట్. నాలుగో షెడ్యూల్ ఈ నెలలో హైదరబాద్‌లో మొదలుకానుంది. ఈ షెడ్యూల్ తో టోటల్ సినిమా షూటింగ్ పూర్తవుతుంది. నవంబర్ చివరి వారంలో పోస్ట్ ప్రొడక్షన్ పనులు మొదలు కానున్నాయి.

వరలక్ష్మీ శరత్ కుమార్ ఎంపిక చేసుకునే చిత్రాలు భిన్నంగా ఉంటాయి. 'శబరి' కూడా అటువంటిదే. ఈ చిత్రంలో స్వతంత్ర భావాలున్న యువతిగా ఆమె కనిపించనుంది. యాక్షన్ ఎపిసోడ్స్ లో చాలా బాగా చేసిందంట.

ఇదొక యాక్షన్ థ్రిల్లర్. గోపీసుందర్ ఈ సినిమాకు సంగీతం అందిస్తున్నాడు. అనీల్ కాట్జ్ ఈ సినిమాకు దర్శకత్వం వహించడమే కాకుండా.. కథ-మాటలు-స్క్రీన్ ప్లే కూడా చూసుకుంటున్నాడు.