Allu Arjun | త్రివిక్రమ్ తో బన్నీ రూ.1000 కోట్ల సినిమా

తెలుగు చిత్రసీమలో మోస్ట్ సక్సెస్ ఫుల్ దర్శకుల్లో ఒకడు త్రివిక్రమ్. తన డైలాగ్స్ తో సినిమాకు అందం తీసుకొచ్చే ఈ దర్శకుడు.. రీసెంట్ గా గుంటూరుకారంతో ఫ్లాప్ అందుకున్నాడు. అయినప్పటికీ అతడి క్రేజ్ తగ్గలేదు. ఇప్పటికీ ఆయన చాలామందికి గురూజీనే.

గుంటూరు కారం ఫ్లాప్ తో డీలా పడిన త్రివిక్రమ్, ఈసారి గట్టిగా బౌన్స్ బ్యాక్ అవ్వాలనుకుంటున్నాడు. భారీ విజయం అందుకోవడంతో పాటు, పాన్ ఇండియాలో క్లిక్ అవ్వాలని భావిస్తున్నాడు. దీని కోసం అతడు అల్లు అర్జున్ తో కలవాలని భావిస్తున్నాడు. వీళ్లిద్దరి కలయికలో ఇది నాలుగో సినిమా అవుతుంది.

ఇంతకుముందు వీళ్లిద్దరూ కలిసి జులాయి, సన్నాఫ్ సత్యమూర్తి, అల వైకుంఠపురములో సినిమాలు చేశారు. ఈసారి మాత్రం వాటికి మించిన మూవీ చేయాలని నిర్ణయించుకున్నారు. ఈ మేరకు త్రివిక్రమ్ చెప్పిన ఓ కాన్సెప్ట్ కు బన్నీ ఓకే చెప్పాడు. ఈ సినిమా బడ్జెట్ అక్షరాలా వెయ్యి కోట్ల రూపాయలు అని తెలుస్తోంది. కేవలం ప్రీ ప్రొడక్షన్ పనులకే ఏడాదిన్నర టైమ్ పడుతుందంట.