ప్రభాస్‌ 'స్పిరిట్‌' మూవీ అప్‌డేట్‌ ఇదే
షూటింగ్‌ ఎప్పుడు మొదలుకానున్నదో చెప్పిన నిర్మాత
రెబల్‌ స్టార్‌ ప్రభాస్‌ ఫాన్స్‌ గుడ్‌ న్యూస్‌. ఆయన హీరోగా సందీప్‌రెడ్డి డెరెక్షన్‌లో తెరకెక్కనున్న 'స్పిరిట్‌' మూవీ ఆప్‌డేట్‌ను నిర్మాత భూషణ్‌ కుమార్‌ ఇచ్చారు. పోలీస్‌ డ్రామాగా సిద్ధం కానున్న ఈ సినిమా షూటింగ్‌ను డిసెంబర్‌ చివరి వారంలో ప్రారంభిస్తామని చెప్పారు. ఇటీవలే స్పిరిట్‌ మ్యూజిక్‌ సిట్టింగ్స్‌ ప్రారంభమయ్యాయి. మ్యూజిక్‌ డైరెక్టర్‌ హర్షవర్ధన్‌ రామేశ్వర్‌ సోషల్‌ మీడియా లో ఓ పోస్టు పెట్టారు. దీనిలో సందీప్‌రెడ్డి మ్యూజిక్‌ వింటూ కనిపించారు. మరోవైపు స్పిరిట్‌ మూవీతో ప్రభాస్‌ మొదటిసారి ఖాకీ డ్రెస్‌లో కనిపించనున్నారు. ఇందులో బాలీవుడ్‌ జోడి కరీనా కపూర్‌, సైఫ్‌ అలీఖాన్‌ కీలక పాత్రలు పోషిస్తున్నారని సమాచారం.
ఈ నేపథ్యంలోనే నిర్మాత భూషణ్‌ కుమార్‌ డిసెంబర్‌ చివర్లో చిత్రీకరణ మొదలుపెట్టడానికి ప్రణాళికలు సిద్ధం చేసినట్లు చెప్పారు. 'భూల్‌ భూలయ్యా 3' మూవీ ప్రమోషన్‌ ఇంటర్వ్యూల్‌ ఆయన మాట్లాడుతూ.. ప్రస్తుతం స్పిరిట్‌ మూవీ పనుల్లో బిజీగా ఉన్నాం. నటీనటుల ఎంపిక ఇంకా పూర్తికాలేదు. నటీనటుల ఎంపిక త్వరలోనే ప్రారంభిస్తామన్నారు. ఆ తర్వాత షూటింగ్‌ మొదలుపెడుతామన్నారు.
