Surekha Vani -హీరోయిన్ గా మారిన సురేఖ వాణి కూతురు

బిగ్ బాస్ ఫేమ్ అమరదీప్ చౌదరి హీరోగా, నటి సురేఖావాణి కుమార్తె సుప్రీత హీరోయిన్‌గా నూతన చిత్రం ప్రారంభమైంది. ఎం3 మీడియా బ్యానర్‌పై మహా మూవీస్‌తో కలిసి మహేంద్ర నాథ్ కూండ్ల ఈ చిత్రాన్ని నిర్మిస్తున్నారు. ముహూర్తపు సన్నివేశానికి ఏఎం రత్నం కెమెరా స్విచ్ ఆన్ చేయగా.. వీర శంకర్ గౌరవ దర్శకత్వం వహించారు.

ఇండియన్ సినిమాలో ఇంత వరకు ఎవ్వరూ టచ్ చేయని పాయింట్ తో ఈ సినిమా వస్తోందట. బిగ్ బాస్ కంటే ముందే ఈ చిత్రానికి ఓకే చెప్పాడట అమరదీప్. బిగ్ బాస్ హౌజ్ లోకి వెళ్లే ముందు సైన్ చేసి వెళ్లాడట.

చాలా రోజులు వెయిట్ చేసి, కూతుర్ని ఈ ప్రాజెక్టుతో హీరోయిన్ గా చేస్తున్నారు సురేఖవాణి. "దర్శక నిర్మాతల మీద నమ్మకంతోనే నా బిడ్డను వాళ్ల చేతుల్లో పెడుతున్నాను" అంటూ ప్రకటించారు. ప్రస్తుతం సురేఖవాణి సినిమాలు తగ్గించారు. కూతురు కెరీర్ పై ఆమె దృష్టి పెట్టారు. ఇప్పటికే సుప్రీత చాలా పాపులర్ అనే సంగతి అందరికీ తెలిసిందే. తల్లితో కలిసి ఆమె సోషల్ మీడియాలో చాలా చురుగ్గా ఉంటారు. ఇప్పుడు సినిమాల్లోకి వచ్చారు.