Sundeep Kishan | కొత్త సినిమాకు రిలీజ్ డేట్ ఫిక్స్ చేసిన సందీప్

సందీప్ కిషన్, వీఐ ఆనంద్ రెండోసారి కలిసి చేస్తున్న ఫాంటసీ అడ్వెంచర్ మూవీ ‘ఊరు పేరు భైరవకోన’. హాస్య మూవీస్ బ్యానర్‌పై రాజేష్ దండా నిర్మిస్తుండగా, ఎకె ఎంటర్‌టైన్‌మెంట్స్ బ్యానర్‌పై అనిల్ సుంకర సమర్పిస్తున్నారు.

ఈ సినిమా విడుదల తేదీకి సంబంధించిన అప్‌డేట్‌తో వచ్చారు మేకర్స్. ఊరు పేరు భైరవకోన ఫిబ్రవరి 9న ప్రపంచవ్యాప్తంగా ప్రేక్షకుల ముందుకు రానుంది. రిలీజ్ డేట్ పోస్టర్ లో సందీప్ కిషన్ మంత్రదండం పట్టుకుని కనిపించిన స్టిల్ క్యూరియాసిటీని పెంచింది. 2 నెలల్లో సినిమా రాబోతుంది కాబట్టి మేకర్స్ త్వరలో ప్రచార కార్యక్రమాలను స్టార్ట్ చేయబోతున్నారు.

ఈ సినిమా షూటింగ్ చివరి దశలో ఉంది. ప్రస్తుతం చిత్రీకరణ హైదరాబాద్‌లో జరుగుతోంది. ఊరు పేరు భైరవకోనలో సూపర్ నేచురల్ ఎలిమెంట్స్ ఉంటాయి. ఈ చిత్రానికి శేఖర్ చంద్ర సంగీతం అందిస్తున్నాడు. నిజమే నే చెబుతున్నా, హమ్మా హమ్మా అనే 2 పాటలు ఇప్పటికే చార్ట్‌బస్టర్‌గా నిలిచాయి.

వర్ష బొల్లమ్మ, కావ్యా థాపర్‌ హీరోయిన్లుగా నటిస్తున్న ఈ చిత్రానికి రాజ్‌ తోట సినిమాటోగ్రఫీ అందిస్తున్నారు. ఛోటా కె ప్రసాద్ ఎడిటర్.