Sundaram Master | సుందరం మాస్టర్ కు చిరు ఆశీస్సులు

ఆర్టీ టీం వర్క్స్, గోల్డెన్ మీడియా బ్యానర్లపై రవితేజ, సుధీర్ కుమార్ నిర్మిస్తున్న చిత్రం 'సుందరం మాస్టర్'. ఈ చిత్రంలో హర్ష చెముడు, దివ్య శ్రీపాద ప్రధాన పాత్రలు పోషించారు. కళ్యాణ్ సంతోష్ దర్శకత్వంలో తెరకెక్కిన ఈ చిత్రం ఫిబ్రవరి 23న విడుదల కాబోతోంది. ఈ నేపథ్యంలో మెగాస్టార్ చిరంజీవి తన చేతుల మీదుగా ట్రైలర్‌ను రిలీజ్ చేశారు.

‘సుందరం మాస్టర్’ ట్రైలర్ చాలా బాగుందని, హర్ష కోసమే ఈ పాత్ర పుట్టినట్టుగా ఉందన్నారు చిరంజీవి. తనకు తాను, తన టాలెంట్‌ను తాను నమ్ముకుని హర్ష ఈ స్థాయికి వచ్చాడని, ఇప్పుడు హీరో స్థాయికి ఎదిగాడని అన్నారు. కామెడీనే కాకుండా ఎమోషన్ కూడా ఇందులో ఉందని.. ఇలాంటి వినూత్న ప్రయోగాలను ఆడియెన్స్ ఎప్పుడూ ఆదరిస్తారని నమ్మకంగా చెప్పారు.

ట్రయిలర్ విషయానికొస్తే.. ఈసారి మరిన్ని కామెడీ సన్నివేశాలు చూపించారు. అయితే వాటితో పాటు కాస్త ఎమోషన్, చిన్న ట్విస్ట్ కూడా చూపించారు. దీంతో సుందరం మాస్టర్ పై అంచనాలు ఓ మోస్తరుగా పెరిగాయి. పూర్తిగా నేచురల్ లొకేషన్లలో తీసిన ఈ సినిమా ప్రేక్షకులకు ఓ కొత్త అనుభూతిని ఇస్తుందని చెబుతున్నాడు నటుడు వైవా హర్ష.