Roshan Kanakala - సుమ కొడుకు ఫస్ట్ లుక్ ఇదే
Roshan Kanakala - సుమ, రాజీవ్ కనకాల కొడుకు రోషన్ కనకాల హీరోగా వస్తున్న సంగతి తెలిసిందే. ఇప్పుడా సినిమా నుంచి రోషన్ ఫస్ట్ లుక్ రిలీజైంది.
క్షణం, కృష్ణ అండ్ హిస్ లీల లాంటి విజయవంత చిత్రాలతో ప్రశంసలు అందుకున్న దర్శకుడు రవికాంత్ పేరేపు, మహేశ్వరి మూవీస్ బ్యానర్‌లో కొత్త చిత్రానికి దర్శకత్వం వహిస్తున్నాడు ఈ డైరక్టర్. ప్రముఖ యాంకర్ సుమ కనకాల, నటుడు రాజీవ్ కనకాల కుమారుడు రోషన్ కనకాల ఈ చిత్రంతో హీరోగా పరిచయం అవుతున్నాడు.
రోషన్ కనకాల పుట్టినరోజు సందర్భంగా అతడి ఫస్ట్ లుక్ విడుదల చేశారు. ఈ సినిమాలో డీజేగా కనిపిస్తున్నాడు రోషన్. పోస్టర్‌లో రోషన్ గిరజాల జుట్టు, సన్ గ్లాసెస్‌తో, డీజే సిస్టమ్‌లో మ్యూజిక్ ప్లే చేస్తూ హెడ్‌సెట్ ధరించి కనిపించాడు. పోస్టర్ చాలా ట్రెండీగా వుంది.
ఇంకా పేరు పెట్టని ఈ చిత్రం న్యూ ఏజ్ రోమ్-కామ్‌గా రూపొందుతోంది. శ్రీచరణ్ పాకాల సంగీతం అందించగా, నవీన్ యాదవ్ కెమెరా మెన్ గా పని చేస్తున్నాడు. త్వరలోనే ఈ సినిమా విడుదల తేదీని ప్రకటిస్తారు.
Next Story
