Ustaad | ఉస్తాద్ సినిమా కథ చెప్పేసిన హీరో
SriSimha Ustaad movie - శ్రీసింహా హీరోగా నటించిన సినిమా ఉస్తాద్. ఈ సినిమా స్టోరీలైన్ ను శ్రీసింహా బయటపెట్టాడు.
ఈరోజు ప్రపంచవ్యాప్తంగా థియేటర్లలోకి వచ్చింది ఉస్తాద్ సినిమా. ఓవైపు జైలర్, భోళాశంకర్ లాంటి పెద్ద సినిమాలు థియేటర్లలో ఉన్నప్పటికీ, ఈ సినిమాను రిలీజ్ చేశారు. శ్రీసింహా హీరోగా నటించిన ఈ సినిమాకు ఫణిదీప్ దర్శకత్వం వహించాడు.
సినిమా విడుదలకు ముందే కథ ఏంటనేది క్లియర్ గా చెప్పేశాడు శ్రీసింహా. మత్తువదలరా సినిమా కథకు ఓకే చెప్పిన టైమ్ లోనే, ఉస్తాద్ కథకు కూడా గ్రీన్ సిగ్నల్ ఇచ్చానన్న శ్రీసింహా.. ఉస్తాద్ స్టోరీలైన్ ను విడమర్చి చెప్పాడు.
"ఒక ప‌నిలో నిపుణుడ్ని మ‌నం ఉస్తాద్ అని పిలుస్తుంటాం. ఇది ఉర్దూ ప‌దం. గురువును కూడా ఉస్తాద్ అని పిలుస్తుంటాం. ఈ సినిమా విష‌యానికి వ‌స్తే.. ఇందులో హీరో త‌న ఎమోష‌న్స్‌ను బైక్ వ‌ల్ల కంట్రోల్ చేసుకోగ‌లుగుతాడు. హీరోకి లైఫ్‌లో బైక్ వ‌ల్ల చాలా విష‌యాలు జ‌రుగుతాయి. అందుక‌నే హీరో త‌న బైక్‌నే ఉస్తాద్ అని పిలుచుకుంటుంటాడు. సినిమాలో హీరోకి కోపం ఎక్కువ‌గా వ‌స్తుంటుంది. లైఫ్‌లో ఎలాంటి గోల్ ఉండ‌దు. అలాంటి వ్య‌క్తి బైక్ వ‌ల్ల ఎలా స‌రైన దారిలో ప‌డ్డాడనేదే కథ. ఇందులో హీరో సూర్య కాలేజ్ స‌మ‌యంలో ఎలా ఉంటాడు, కాలేజ్ త‌ర్వాత లైఫ్‌లో ఏం చేయాలో తెలియ‌ని స్థితి. ఫైల‌ట్ అయిన త‌ర్వాత త‌న లైఫ్ ఎలా సాగుతుంద‌నేది ఈ సినిమా కథ"
ఇలా ఉస్తాద్ స్టోరీని బయటపెట్టాడు హీరో శ్రీసింహా. కావ్య కల్యాణ్ రామ్ హీరోయిన్ గా నటించిన ఈ సినిమాను వారాహి చలనచిత్రం బ్యానర్ పై సాయి కొర్రపాటి నిర్మించాడు. మరికొద్దిసేపట్లో ఉస్తాద్ రిజల్ట్ ఏంటనేది తేలిపోతుంది.
