Telusu Kada | సెట్స్ పైకొచ్చిన కేజీఎఫ్ బ్యూటీ
Telusu Kada Movie - సిద్ధు జొన్నలగడ్డ కొత్త సినిమా తెలుసు కదా. కేజీఎఫ్ బ్యూటీ ఈ సినిమా సెట్స్ లో జాయిన్ అయింది.
స్టార్ బాయ్ సిద్దు జొన్నలగడ్డ నటిస్తున్న కొత్త సినిమా ‘తెలుసు కదా’. ఈ సినిమా రెగ్యులర్ షూటింగ్ కొద్ది రోజుల కిందట హైదరాబాద్‌లో ప్రారంభమైన సంగతి తెలిసిందే. ప్రముఖ స్టైలిస్ట్ నీరజ కోన ఈ సినిమాతో డైరెక్టర్ గా పరిచయమౌతున్నారు. రాశి ఖన్నా, శ్రీనిధి శెట్టి హీరోయిన్స్ గా నటిస్తున్నారు.
పీపుల్ మీడియా ఫ్యాక్టరీ బ్యానర్ పై వస్తున్న ఈ సినిమాకు సంబంధించి మొదటి షెడ్యూల్‌లో సిద్దూ జొన్నలగడ్డ, రాశి ఖన్నాలపై టాకీతో పాటు సాంగ్ ని షూట్ చేశారు. తాజాగా కొత్త షెడ్యూల్‌ స్టార్ట్ అయింది. ఈ కొత్త షెడ్యూల్‌ లో హీరోయిన్ శ్రీనిధి శెట్టి జాయినైంది. ఈ షెడ్యూల్‌ లో చాలా కీలకమైన సన్నివేశాలని షూట్ చేస్తున్నారు.
నిర్మాత టిజి విశ్వప్రసాద్‌ ఈ సినిమాని హై బడ్జెట్ తో నిర్మిస్తున్నారు. ఈ సినిమాలో టాప్ టెక్నీషియన్లు పని చేస్తున్నారు. తమన్ సంగీతం అందించగా, జ్ఞాన శేఖర్ సినిమాటోగ్రాఫర్. నేషనల్ అవార్డ్ విన్నింగ్ టెక్నీషియన్ నవీన్ నూలి ఎడిటర్ గా వర్క్ చేస్తున్నాడు. టిల్లూ స్క్వేర్ తర్వాత సిద్ధు జొన్నలగడ్డ నుంచి వస్తున్న సినిమా ఇదే.
