Takkar movie - ఓటీటీలోకి సిద్దార్థ్ మూవీ
Siddardha's Takkar - టక్కర్ సినిమా ఓటీటీలోకి వచ్చేసింది. కనీసం ఓటీటీలోనైనా క్లిక్ అవుతుందా..?
సిద్దార్థ్ హీరోగా నటించిన తాజా చిత్రం టక్కర్. పీపుల్ మీడియా బ్యానర్ పై తెరకెక్కిన ఈ సినిమా రీసెంట్ గా థియేటర్లలోకి వచ్చింది. డిజాస్టర్ టాక్ తెచ్చుకుంది. ఇప్పుడీ సినిమా ఓటీటీలో ప్రత్యక్షమైంది.
వీకెండ్ ఎట్రాక్షన్ గా నెట్ ఫ్లిక్స్ లో టక్కర్ సినిమాను స్ట్రీమింగ్ కు పెట్టారు. అన్ని దక్షిణాది భాషల్లో ఇది అందుబాటులో ఉంది. దివ్యాంశ కౌషిక్ హీరోయిన్ గా నటించిన ఈ సినిమాకు ఓటీటీలో మంచి స్పందన వస్తుందని ఆ కంపెనీ ఆశిస్తోంది.
థియేట్రికల్ గా సిద్దార్థ్ కు క్రేజ్ తగ్గింది. కానీ నెటిజన్లలో అతడికి మంచి క్రేజ్ ఉంది. అందుకే ఓటీటీలో టక్కర్ సినిమా క్లిక్ అయ్యే అవకాశం ఉందని భావిస్తోంది నెట్ ఫ్లిక్స్.
అభిమన్యు సింగ్, యోగి బాబు, మునిష్కాంత్, ఆర్జే విఘ్నేష్‌కాంత్ కీలక పాత్రలు పోషించారు ఈ సినిమాలో. పీపుల్ మీడియా ఫ్యాక్టరీ తో పాటు అభిషేక్ అగర్వాల్ ఆర్ట్స్‌ కూడా సహ-నిర్మాతగా వ్యవహరించింది. నివాస్ కె ప్రసన్న సంగీతం అందించగా, మురుగేశన్ సినిమాటోగ్రాఫర్ గా వర్క్ చేశాడు.
ఈ సినిమా ఏ దశలోనూ ప్రేక్షకుల్ని ఆకట్టుకోలేకపోయింది. దీనికితోడు ఒక్క సాంగ్ కూడా క్లిక్ అవ్వకపోవడం ఈ సినిమాకు మైనస్ గా మారింది. టక్కర్ సినిమా ఓటీటీలో క్లిక్ అవ్వకపోతే, రాబోయే రోజుల్లో సిద్దార్థ్ నాన్-థియేట్రికల్ మార్కెట్ కూడా పడిపోయినట్టే.
