Samantha | ఎట్టకేలకు సెట్స్ పైకి సమంత
Samantha - 10 నెలల సుదీర్ఘ విరామం తర్వాత సమంత మళ్లీ సినిమాల్లోకి వస్తోంది. ఈ నెల్లోనే కొత్త సినిమా స్టార్ట్ చేయబోతోంది.
![Samantha | ఎట్టకేలకు సెట్స్ పైకి సమంత Samantha | ఎట్టకేలకు సెట్స్ పైకి సమంత](https://www.teluguglobal.com/h-upload/2023/12/10/869938-samantha-1.webp)
ఖుషి తర్వాత మళ్లీ సినిమా చేయలేదు సమంత. అలా ఆమె కెరీర్ లో ఇప్పటికే 10 నెలలు గ్యాప్ వచ్చేసింది. మరోవైపు ఆమె కోలుకుందా లేదా అనే అనుమానాలు కూడా ఉన్నాయి. ఈ అనుమానాలన్నింటికీ ఫుల్ స్టాప్ పెడుతూ, సమంత తన సినిమాను ప్రకటించింది.
కెరీర్ లో తొలిసారిగా మలయాళం సినిమా చేయబోతోంది సమంత. తనకు హీరోయిన్ గా లైఫ్ ఇచ్చిన గౌతమ్ మీనన్ దర్శకత్వంలో ఈ సినిమా చేస్తోంది. ఇందులో మలయాళ సూపర్ స్టార్ మమ్ముట్టి హీరో. ఈ సినిమా రెగ్యులర్ షూటింగ్ ను ఈ నెలాఖరు నుంచి ప్రారంభించబోతోంది సమంత.
మరోవైపు ఆమె నిర్మాతగా ఓ సినిమా ప్రకటించింది. ఆ సినిమా కూడా ప్రీ ప్రొడక్షన్ పూర్తిచేసుకుంది. త్వరలోనే ఆ మూవీని ప్రకటించబోతోంది. ఇలా ఒకేసారి 2 సినిమాతో సందడి చేయబోతోంది ఈ బ్యూటీ.
మయొసైటిస్ నుంచి ఆమె కోలుకున్నప్పటికీ సైడ్ ఎఫెక్టులు బాధిస్తున్నాయి. దీంతో వాటి నుంచి బయటపడేందుకు గ్యాప్ తీసుకుంది సమంత. ఇప్పటికీ ఆమె ఏదో ఒక చికిత్స తీసుకుంటూనే ఉంది. అలా ఓవైపు చికిత్స కొనసాగిస్తూనే, మరోవైపు సినిమాలు రీస్టార్ట్ చేసింది సమంత.