Virupaksha: సాయిధరమ్ తేజ్ సినిమాకు టైటిల్ ఫిక్స్
Sai tej's Virupaksha: సాయిధరమ్ తేజ్ కొత్త సినిమాకు టైటిల్ ఫిక్స్ చేశారు. అంతేకాదు, ఒకేసారి గ్లింప్స్ విడుదల చేయడంతో పాటు, రిలీజ్ డేట్ కూడా ఎనౌన్స్ చేశారు.
సాయిధరమ్ తేజ్ నటిస్తున్న తొలి పాన్‌ ఇండియా మూవీకి 'విరూపాక్ష' అనే టైటిల్‌ని నిర్ణయించారు. ఈరోజు హైదరాబాద్‌లోని ప్రసాద్‌ ఐమ్యాక్స్‌లో బిగ్‌ స్క్రీన్‌పై ఈ చిత్రం టైటిల్ గ్లింప్స్‌ను విడుదల చేశారు. ఎన్టీఆర్‌ వాయిస్‌ ఓవర్‌తో ప్రారంభమైన ఈ గ్లింప్స్‌కు మంచి స్పందన వచ్చింది.
శ్రీ వెంకటేశ్వర సినీ చిత్ర, సుకుమార్‌ రైటింగ్స్‌ కలిసి ఈ సినిమాను సంయుక్తంగా నిర్మిస్తున్నాయి. బీఎస్‌ఎన్‌ ప్రసాద్‌ నిర్మాత. హీరో సాయిధరమ్ తేజ్ ఈ చిత్రం టైటిల్ గ్లింప్స్‌ను విడుదల చేశారు. కెరీర్ లో సాయిధరమ్ తేజ్ చేస్తున్న తొలి మిస్టీరియర్ థ్రిల్లర్ సినిమా ఇదే.
1990 బ్యాక్ డ్రాప్ లో అడవి మధ్యలో ఉండే ఓ చిన్న గ్రామంలో జరిగే కథ ఇది. అక్కడ జరిగే కొత్త, వింత పరిణామాలను హీరో ఎలా ఎదుర్కొన్నాడనేది ఆసక్తికరంగా ఉంటుంది. సుకుమార్‌ ఈ సినిమాకు స్క్రీన్ ప్లే అందించడం విశేషం. కార్తీక్ దండు దర్శకత్వం వహించాడు.
తెలుగులో రాబోతున్న మరో ఇంటర్నేషనల్‌ స్టాండర్డ్‌ సినిమాగా 'విరూపాక్ష'ను చెబుతున్నారు మేకర్స్. అజనీష్‌ లోక్‌నాథ్‌ ఈ సినిమాకు సంగీతం అందించాడు. ప్రపంచవ్యాప్తంగా ఈ చిత్రం తెలుగు, తమిళ, కన్నడ, హిందీ, మలయాళ భాషల్లో వచ్చే ఏడాది ఏప్రిల్‌ 21న విడుదలవుతుంది.
