Sukumar-Prabhas: కాంబినేషన్ సెట్ అయిందా?
Sukumar-Prabhas: సుకుమార్, ప్రభాస్ కలిసి సినిమా చేయబోతున్నారా? ఇది ఎంత వరకు నిజం?
సుకుమార్ దర్శకత్వంలో ప్రభాస్ హీరోగా సినిమా రాబోతోందా? వీళ్లిద్దరి మధ్య చర్చలు జరిగాయా? అభిషేక్ ఆర్ట్ పిక్చర్స్ బ్యానర్ పై సినిమా రాబోతోందా? నిన్నట్నుంచి ఓ రేంజ్ లో వినిపిస్తున్న ఊహాగానం ఇది. ఎట్టకేలకు ఈ అంశంపై క్లారిటీ వచ్చింది. సుకుమార్ దర్శకత్వంలో ప్రభాస్ సినిమా చేయడం లేదు. సదరు ప్రొడక్షన్ హౌజ్ ఈ విషయాన్ని నిర్థారించింది.
ప్రస్తుతం పుష్ప-2 షూటింగ్ లో ప్రభాస్ బిజీగా ఉన్నాడు. ఈ మూవీ తర్వాత లెక్కప్రకారం ఆయన విజయ్ దేవరకొండతో కలిసి సెట్స్ పైకి వెళ్లాలి. కానీ ఆ సినిమా ఆగినట్టు కనిపిస్తోంది. ఈ గ్యాప్ లో ప్రభాస్ హీరోగా సుకుమార్ సినిమా అనే ప్రచారం జరిగింది. అయితే ఈ వార్తలో ఎలాంటి నిజం లేదు.
ఇటు ప్రభాస్ కూడా ఇప్పటికిప్పుడు మరో సినిమా ఓకే చేసే పొజిషన్ లో లేడు. ఎందుకంటే, ఆయన నటించాల్సిన సినిమాలు చాలా ఉన్నాయి. సలార్, ప్రాజెక్ట్-కె, మారుతి సినిమాలు సెట్స్ పై ఉన్నాయి. దీని తర్వాత స్పిరిట్ అనే సినిమా సెట్స్ పైకి వెళ్లాలి. సో.. ఈ గ్యాప్ లో మరో సినిమాకు ప్రభాస్ ఓకే చెప్పలేడు.
అయితే సుకుమార్-ప్రభాస్ కలిస్తే బాగుంటుంది. ఆ కాంబినేషన్ వేరే లెవెల్లో ఉంటుంది. మరి ఎప్పటికి ఈ కాంబో సెట్ అవుతుందో ఏంటో చూడాలి.
