Kalki | కల్కి క్లయిమాక్స్ ఇదేనా?

అన్ని చోట్లా కల్కి మేనియా కనిపిస్తోంది. ముఖ్యంగా తెలుగు రాష్ట్రాల్లో, ప్రభాస్-నటించిన ఈ చిత్రం చుట్టూ ఉన్న హంగామా పిచ్చిగా ఉంది. త్వరలోనే ఈ సినిమా నుంచి సాంగ్ రిలీజ్ చేయబోతున్నారు. దానికి 'ఇండియాస్ బిగ్గెస్ట్ సాంగ్ ఆఫ్ ది ఇయర్'గా పేరు కూడా పెట్టేశారు. ఈ సినిమా ప్రచారం కోసం అందివచ్చిన ఏ చిన్న అవకాశాన్ని మేకర్స్ విడిచిపెట్టడం లేదు.

తాజాగా సినిమా ట్రయిలర్ కూడా రిలీజ్ చేశారు. ఈ ట్రయిలర్ రిలీజైన తర్వాత సినిమాలో క్లైమాక్స్ పై పెద్ద చర్చ నడిచింది. 'ఇండియన్ సినిమాలో ఇంతకు ముందెన్నడూ లేని అనుభవం'గా చెబుతున్న ఈ సినిమా కంటెంట్ మనసుకు హత్తుకునేలా ఉంటుందనే టాక్ నడుస్తోంది.

విశ్వసనీయ సమాచారం ప్రకారం, ఈ చిత్రం క్లైమాక్స్ దీపిక పాత్ర చుట్టూ తిరుగుతుందంట. ఆమె మగ బిడ్డకు జన్మనిస్తుంది. మగ శిశువు పుట్టిన తర్వాత అతడు కల్కీనా, కాళీనా అనే ప్రశ్న దగ్గర శుభం కార్డ్ వేస్తారట. అక్కడ్నుంచి పార్ట్-2 మొదలవుతుంది.

ప్రభాస్ హీరోగా నటించిన ఈ సినిమాకు నాగ్ అశ్విన్ దర్శకుడు. దీపిక పదుకోన్, దిశా పటానీ హీరోయిన్లుగా నటించిన ఈ సినిమాలో అమితాబ్ కీలక పాత్రలో కనిపించగా, కమల్ హాసన్ విలన్ గా నటించారు.