పుష్ప-2 నుంచి రొమాంటిక్ పోస్టర్ రిలీజ్
ఐకాన్ స్టార్ అల్లు అర్జున్‌, క్రియేటివ్ డైరెక్ట‌ర్‌ సుకుమార్‌ కాంబోలో తెరకెక్కతున్న పుష్ప-2 చిత్రం నుంచి దీపావళి ప‌ర్వ‌దినాన్ని పుర‌స్క‌రించుకుని మేక‌ర్స్ ఓ రొమాంటిక్ పోస్టర్ను చిత్ర యూనిట్ విడుదల చేశారు
ఐకాన్ స్టార్ అల్లు అర్జున్‌, రష్మిక జంటగా డైరెక్ట‌ర్‌ సుకుమార్‌ కాంబినేషన్‌లో వస్తున్న మూవీ ‘పుష్ప 2’. దీపావళి కానుకగా ఈ సినిమా నుంచి కొత్త పోస్టర్ను మూవీ యూనిట్ విడుదల చేశారు. పోస్ట‌ర్‌లో హీరోహీరోయిన్ రష్మిక, అల్లు అర్జున్‌ రొమాంటిక్‌గా క‌నిపిస్తున్నారు. ప్రస్తుతం ఈ పోస్టర్ నెట్టింట వైరల్ అవుతోంది. 'హ్యాపీ దివాలీ' అంటూ చిత్ర యూనిట్ విడుదల చేసిన ఈ పోస్టర్ సినీ అభిమానుల‌ను విప‌రీతంగా ఆక‌ట్టుకుంటోంది.
ఇక ఈ చిత్రం డిసెంబర్‌ 5న ప్రపంచవ్యాప్తంగా ఫ్యాన్స్ ముందుకు రానుంది. తెలుగుతో పాటు హిందీ, తమిళం, మలయాళం, కన్నడ భాషల్లో ఒకేసారి విడుదల కానుంది. కాగా, ఈ చిత్రంలో ఫహాద్‌ ఫాజిల్ ప‌వ‌ర్‌ఫుల్‌ పోలీస్ అధికారిగా నెగెటివ్ రోల్‌లో న‌టిస్తున్నారు. ఆయ‌న‌తో పాటు రావు రమేశ్‌, సునీల్‌, అనసూయ భరద్వాజ్‌, జగపతిబాబు ఇత‌ర కీలకపాత్రలు పోషిస్తున్నారు. రాక్‌స్టార్ దేవి శ్రీ ప్రసాద్ బాణీలు అందిస్తున్న ఈ మూవీని ప్ర‌ముఖ నిర్మాణ సంస్థ మైత్రీమూవీ మేక‌ర్స్ నిర్మిస్తోంది.
