Tiger Nageswara Rao - రవితేజ సినిమా షూటింగ్ అప్ డేట్స్

రవితేజ తొలి పాన్ ఇండియా చిత్రం ‘టైగర్ నాగేశ్వరరావు’. ఈ ఏడాది విడుదల కానున్న క్రేజీ ప్రాజెక్టుల్లో ఇది కూడా ఒకటి. వంశీ దర్శకత్వంలో అభిషేక్ అగర్వాల్ ఆర్ట్స్‌ పతాకంపై అభిషేక్ అగర్వాల్ నిర్మిస్తున్నాడు. ఈ భారీ బడ్జెట్ సినిమా కోసం, 5 ఎకరాల స్థలంలో స్టూవర్టుపురం గ్రామం సెట్ వేశారు.

తాజాగా వైజాగ్‌లో చిత్ర బృందం చివరి షెడ్యూల్‌ను ప్రారంభించింది. చివరి షెడ్యూల్‌లో కోర్ టీమ్‌పై కొన్ని కీలక సన్నివేశాలను తెరకెక్కిస్తున్నారు.

ఎనౌన్స్ మెంట్ నుంచి ఈ సినిమాపై జనాల్లో ఓ రకమైన ఆసక్తి ఉంది. టైగర్ నాగేశ్వరరావు స్టూవర్టుపురంలోని గజదొంగ జీవిత చరిత్ర ఆధారంగా రూపొందుతోంది. 1970ల నేపథ్యంలో సాగే కథ ఇది.

ఈ పవర్ ఫుల్ పాత్ర పోషించేందుకు రవితేజ కంప్లీట్ గా మేకోవర్ అయ్యాడు. ఇదివరకు ఎన్నడూ చూడని విధంగా సరికొత్త బాడీ లాంగ్వేజ్‌, యాసతో అలరించనున్నాడు. ఈ సినిమాలో రవితేజ సరసన నూపుర్ సనన్, గాయత్రి భరద్వాజ్ హీరోయిన్లుగా నటిస్తున్నారు. జీవీ ప్రకాష్ కుమార్ ఈ సినిమాకు సంగీతం అందిస్తున్నాడు.