Mr Bachchan Teaser | మిస్టర్ బచ్చన్ వచ్చేశాడు

మాస్ మహారాజా రవితేజ, మాస్ డైరెక్టర్ హరీష్ శంకర్ కాంబోలో తెరకెక్కుతున్న సినిమా ‘మిస్టర్ బచ్చన్’. ఈ సినిమాపై ఓ మోస్తరు అంచనాలున్నాయి. తాజాగా రిలీజ్ చేసిన టీజర్ తో ఆ అంచనాలు ఇంకాస్త పెరిగాయి.

80, 90ల నాటి క్యాసెట్లను గుర్తు చేస్తూ టీజర్ ప్రారంభమైంది. రవితేజ, భాగ్యశ్రీ బోర్స్‌ల మధ్య లవ్ ట్రాక్ చూపించారు. తర్వాత టీజర్ రవితేజను ఫోకస్ చేస్తూ, అనేక సవాళ్లను ఎదుర్కొంటున్నట్టు చూపించారు. ఓ బలమైన వ్యక్తి ఇంటిపై ఇన్ కమ్ ట్యాక్స్ దాడులు చేసే ఆఫీసర్ గా రవితేజను చూపించాడు హరీశ్ శంకర్.

పీరియాడికల్ బ్యాక్‌డ్రాప్‌లో తెరకెక్కిన ఈ చిత్రాన్ని హరీష్ శంకర్, రొమాంటిక్ యాక్షన్ మూడ్ లో పిక్చరైజ్ చేశాడు. క్యారెక్టర్స్, రొమాంటిక్ మూమెంట్స్, యాక్షన్ సీక్వెన్స్‌లు.. ఇలా సినిమా టీజర్ చూస్తే, సినిమాలో కంప్లీట్ ఎంటర్ టైన్మెంట్ గ్యారెంటీ అనేలా ఉంది.

రవితేజ, భాగ్యశ్రీ బోర్స్ మధ్య కెమిస్ట్రీ టీజర్ ఫస్ట్ హాఫ్ లో కీలకంగా నిలిచింది. తరువాతి పార్ట్ రవితేజ, జగపతి బాబుల మధ్య జరిగిన ఘర్షణను ప్రజెంట్ చేసింది. జగపతి బాబు పవర్ ఫుల్ పెర్ఫార్మెన్స్ తో ఆకట్టుకున్నారు. మధ్యలో కామెడీ క్లిప్స్ కూడా పెట్టారు. ఆగస్ట్ 15 న థియేటర్లలోకి వస్తున్నాడు మిస్టర్ బచ్చన్.