Eagle Movie | రవితేజ ఈగల్ మూవీ షూటింగ్ అప్ డేట్స్
Eagle Movie - రవితేజ హీరోగా నటిస్తున్న సినిమా ఈగల్. ఈ సినిమాకు సంబంధించి మరో ఫారిన్ షెడ్యూల్ మొదలైంది.
'ధమాకా' లాంటి బ్లాక్‌బస్టర్ విజయం తర్వాత మరోసారి పీపుల్ మీడియా బ్యానర్, రవితేజ కలిశారు. ఈగల్ అనే సినిమా చేస్తున్నారు. కార్తీక్ ఘట్టమనేని దర్శకత్వంలో డిఫరెంట్ కాన్సెప్ట్ తో ఈ సినిమా వస్తోంది. ఇప్పటికే గ్లింప్స్ రిలీజైంది. దానికి మంచి రెస్పాన్స్ వచ్చింది.
'ఈగల్' కొత్త షెడ్యూల్ నిన్నట్నుంచి లండన్ లో మొదలైంది. ఈ షెడ్యూల్ లో రవితేజతో పాటు ఇతర ముఖ్య పాత్రలపై కొన్ని కీలక సన్నివేశాలను చిత్రీకరించనున్నారు.
ఈ సినిమాలో రవితేజ మల్టీ షేడ్స్ ఉన్న పాత్రలో కనిపించనున్నాడు. అనుపమ పరమేశ్వరన్ హీరోయిన్ గా నటిస్తుండగా, సెకెండ్ హీరోయిన్ గా కావ్య థాపర్ కనిపించనుంది. నవదీప్, మధుబాల, అవసరాల శ్రీనివాస్ కీలక పాత్రల్లో కనిపించనున్నారు.
దర్శకుడు కార్తీక్ ఘట్టమనేని ఈ సినిమా కథ రాసుకున్నాడు. మణిబాబు, కార్తీక్ స్క్రీన్ ప్లే అందించారు. టీజీ విశ్వ ప్రసాద్ ఈ చిత్రాన్ని నిర్మిస్తుండగా, వివేక్ కూచిభొట్ల సహ నిర్మాతగా వ్యవహరిస్తున్నారు.
భారీ బడ్జెట్ తో వస్తున్న ఈ సినిమాకు దవ్‌జాంద్ సంగీతం అందిస్తున్నాడు. ఈగల్ సినిమాను వచ్చే ఏడాది సంక్రాంతికి విడుదల చేయాలని టార్గెట్ గా పెట్టుకున్నారు.
