Raviteja: మరో 4 రోజుల్లో ధమాకా ట్రయిలర్
Raviteja's Dhamaka: రవితేజ ద్విపాత్రాభినయం చేస్తున్న సినిమా ధమాకా. ఈ సినిమా ట్రయిలర్ రెడీ అయింది. మరో 4 రోజుల్లో రిలీజ్ అవుతుంది.
రవితేజ హీరోగా, త్రినాధరావు నక్కిన దర్శకత్వంలో వస్తున్న సినిమా 'ధమాకా'. ఇప్పటికే ఈ సినిమా ప్రమోషన్ మొదలైంది. పాటలు రిలీజ్ అవుతున్నాయి. ఇప్పుడు ఈ ప్రమోషన్ నెక్ట్స్ లెవెల్ కు వెళ్లనుంది. ఈ రోజు సినిమా థియేట్రికల్ ట్రైలర్ విడుదల తేదీని ప్రకటించారు.
డిసెంబర్ 15న ధమాకా ట్రైలర్‌ను విడుదల చేయనున్నారు. ట్రైలర్ పోస్టర్‌లో రవితేజ క్లాస్ అవతార్‌లో సూట్‌ వేసుకొని కళ్లజోడుతో కనిపించాడు. ఇందులో క్లాస్ , మాస్ అవతార్‌లో రవితేజ ద్విపాత్రాభినయంలో కనిపించనున్నాడు. రెండు పాత్రలూ వేటికవే వినోదాత్మకంగా ఉండబోతున్నాయి. సినిమాలో యాక్షన్, ఇతర అంశాలతో పాటు హై ఎంటర్ టైన్మెంట్ ఉండబోతుంది.
శ్రీలీల హీరోయిన్ గా నటిస్తున్న ఈ చిత్రానికి భీమ్స్ సిసిరోలియో సంగీతం అందిస్తున్నాడు. టీజీ విశ్వప్రసాద్ నిర్మిస్తున్న' ధమాకా' సినిమాకు ప్రసన్న కుమార్ బెజవాడ కథ, స్క్రీన్‌ప్లే, సంభాషణలు రాస్తుండగా, కార్తీక్ ఘట్టమనేని సినిమాటోగ్రఫర్ గా వర్క్ చేస్తున్నాడు.
ధమాకా డిసెంబర్ 23న ప్రపంచవ్యాప్తంగా గ్రాండ్ గా విడుదలౌతుంది.
