Pushpa 2 Movie: పుష్ప-2 అప్ డేట్ ఇచ్చిన రష్మిక
Rashmika reacts to Pushpa 2 - పుష్ప-2 సినిమాపై స్పందించింది రష్మిక. వచ్చే నెల నుంచి తను సెట్స్ పైకి వస్తున్నట్టు ప్రకటించింది.
అల్లు అర్జున్ హీరోగా నటించిన పుష్ప సినిమా పాన్ ఇండియా లెవెల్లో హిట్టయింది. అల్లు అర్జున్ ను పాన్ ఇండియా స్టార్ ను చేసింది. ఇదే సినిమాతో రష్మిక, జాతీయ స్థాయిలో తన ఇమేజ్ ను మరింత పెంచుకుంది.
అంతా బాగుంది కానీ, పార్ట్-2కు వచ్చేసరికి యూనిట్ పై విమర్శలు తప్పలేదు. ఏడాదిలో పార్ట్-2 రిలీజ్ చేస్తామని చెప్పి, కనీసం షూటింగ్ కూడా స్టార్ట్ చేయకపోవడంపై చాలామంది ఆగ్రహం వ్యక్తం చేశారు.
ఈ క్రమంలో పుష్ప-2 సినిమాపై క్రేజీ అప్ డేట్ ఇచ్చింది రష్మిక. పుష్ప-2 కోసం ఈగర్ గా ఎదురుచూస్తున్నానని తెలిపిన రష్మిక, ఆ సినిమా షూటింగ్ శరవేగంగా నడుస్తున్న విషయాన్ని స్పష్టం చేసింది.
ప్రస్తుతం అల్లు అర్జున్ పై పుష్ప-2 కోసం కొన్ని సన్నివేశాలు తెరకెక్కిస్తున్నారట. ఇక వచ్చే నెల నుంచి రష్మిక కూడా షూటింగ్ లో జాయిన్ అవుతుందట.
పుష్ప-2కు సంబంధించి స్క్రిప్ట్ పై రీ-వర్క్ చేయడంతో కాస్త ఆలస్యమైందని, ఇప్పుడు అంతా సెట్ అయిందని, వీలైనంత తొందరగానే పుష్ప-2 షూట్ పూర్తవుతుందని రష్మిక స్పష్టం చేసింది.
