Ramcharan | హనుమంతుడిగా రామ్ చరణ్

ద‌ర్శ‌కుడు ప్ర‌శాంత్ వ‌ర్మ తెర‌కెక్కించిన హనుమాన్ సినిమా బాక్సాపీస్ వ‌ద్ద ఓ సంచలనం. సంక్రాంతి బరిలో నిలిచిన ఈ మూవీ.. మహేష్, నాగార్జున, వెంకటేష్ లాంటి పెద్ద స్టార్స్ సినిమాల్ని కూడా పక్కకునెట్టి విజేతగా నిలిచింది. పాన్ ఇండియా లెవెల్లో బ్లాక్ బస్టర్ హిట్టయిన ఈ సినిమాకు సీక్వెల్ రాబోతోంది.

ప్రశాంత్ వర్మ ఆల్రెడీ జై-హనుమాన్ పేరిట సీక్వెల్ స్టార్ట్ చేశాడు. మరి హనుమంతుడి పాత్రలో ఎవరు నటించబోతున్నారు. దీనికి సంబంధించి 2-3 పేర్లు తెరపైకొచ్చినప్పటికీ ఇంకా ఎవ్వర్నీ ఫిక్స్ చేయలేదు. తాజాగా నిర్మాత చైతన్య రెడ్డి, ఈ ప్రాజెక్టుపై ఆసక్తికర ప్రకటనలు చేశారు.

జై హనుమాన్ ప్రీ ప్రొడక్షన్ స్టార్ట్ అయ్యింది. సంక్రాంతికి పాజిబుల్ అయ్యేలా లేదు. హనుమాన్ కి ఈ రేంజ్ రీచ్ ని ఊహించలేదు. ఒక మార్వల్ లాంటి స్టొరీ తీసుకోస్తునప్పుడు ఆ రీచ్ వుండాలి కాబట్టి కొంచెం టైం తీసుకుని చేద్దామనేది మా ఆలోచన.

"హనుమాన్ పాత్రలో ఏ హీరో కనిపిస్తారనేది ఇంకా నిర్ణయించలేదు. అది హనుమంతుడే డిసైడ్ చేస్తారు. ఆ పాత్రలో ఎవరు కనిపిస్తారనేది హనుమంతుల వారికే వదిలేశాం. నా పర్శనల్ ఛాయిస్ అయితే రామ్ చరణ్ లేదా చిరంజీవి గారు. మేం సినిమా కంటే దేవుడి కథ చెప్పాలని అనుకుంటున్నాం. ఆయన ఎలా చెప్పించుకుంటారనేది ఆయనిష్టం."

ఇలా హనుమాన్ పాత్ర కోసం చిరంజీవి లేదా రామ్ చరణ్ ను ప్రయత్నిస్తున్న విషయాన్ని పరోక్షంగా బయటపెట్టారు నిర్మాత. ఈ సినిమా కోసం దర్శకుడు ప్రశాంత్ వర్మ ఈసారి మరింత గట్టిగా స్క్రిప్ట్ ప్రిపేర్ చేస్తున్నాడు.