Pushpa 2 - అక్కడ ఫెయిలైన పుష్పరాజ్
Pushpa 2 - అల్లు అర్జున్ హీరోగా నటిస్తున్న పుష్ప-2 నుంచి సాంగ్ రిలీజైంది. దేశవ్యాప్తంగా హిట్టయిన ఈ సాంగ్, తమిళనాట ఆశించిన స్థాయిలో ఆడలేదు.
అల్లు అర్జున్ నటించిన పుష్ప ది రైజ్ దేశవ్యాప్తంగా పెద్ద హిట్టయింది. ఈ చిత్రం తమిళ వెర్షన్‌లో కూడా మంచి వసూళ్లను సాధించింది. అప్పట్లో నాన్-రాజమౌళి సినిమాల హిట్‌గా నిలిచింది. పాటలు ప్రేక్షకుల్లోకి బాగా చొచ్చుకుపోవడంతో మేజిక్ సాధ్యమైంది. కానీ ఇటీవల విడుదలైన పుష్ప 2: ది రూల్ లోని మొదటి పాట తమిళ అభిమానులను ఆకట్టుకోలేకపోయింది.
పాన్ ఇండియా హిట్ సాధించాలంటే ఏ సినిమా అయినా తెలుగు, హిందీ, తమిళ భాషల్లో పెద్ద సంఖ్యలో వసూళ్లు రాబట్టాలి. కానీ పుష్ప పుష్ప అనే పాటకు హిందీ, తెలుగు వెర్షన్లలోనే మంచి వ్యూస్ వచ్చాయి. ఈ పాట రెండు వెర్షన్‌లలో 10 మిలియన్లకు పైగా వీక్షణలను సాధించింది.
అయితే తమిళ వెర్షన్‌లో, ఇది కేవలం 1 మిలియన్ వ్యూస్ మాత్రమే సాధించింది. మిలియన్ వ్యూస్ అంటే ఈ స్థాయి చిత్రానికి చాలా తక్కువ. ఇది చాలా పేలవమైన స్పందన. మునుపటి పాన్ ఇండియా బ్లాక్‌బస్టర్‌ల సీక్వెల్స్, బాహుబలి 2, కేజీఎఫ్2 సినిమా పాటలు తమిళ మార్కెట్లలో చాలా పెద్ద సంఖ్యలో వ్యూస్ సాధించాయి.
కోలీవుడ్ లో ఈ సాంగ్ ఫెయిల్ అవ్వడం, యూనిట్ కు ఆందోళన కలిగించే అంశమే. రాబోయే పాటలు తమిళ అభిమానుల అభిప్రాయాన్ని మార్చవచ్చు. ఈ సినిమాతో 1000 కోట్ల వసూళ్లు సాధించాలని పుష్ప టీమ్ తహతహలాడుతోంది. అలా జరగాలంటే పాటలు కచ్చితంగా హిట్టవ్వాల్సిందే.
