సలార్ లో పృధ్వీరాజ్ లుక్ ఇదే

పాన్ ఇండియా స్టార్ ప్ర‌భాస్‌, కేజీఎఫ్ డైరెక్ట‌ర్ ప్ర‌శాంత్ నీల్ కాంబినేష‌న్‌లో రూపొందుతోన్న భారీ బ‌డ్జెట్ పాన్ ఇండియా మూవీ 'సలార్'. హోంబ‌లే ఫిలింస్ నుంచి నిర్మాత విజ‌య్ కిరగందూర్ ఈ చిత్రాన్ని నిర్మిస్తున్నారు. మ‌ల‌యాళ సూప‌ర్‌స్టార్ పృథ్వీరాజ్ సుకుమారన్ ఇందులో విలన్ గా న‌టిస్తున్నాడు.

ఈరోజు పృధ్వీరాజ్ పుట్టిన‌రోజు సంద‌ర్భంగా 'సలార్' సినిమాలో ఆయ‌న చేస్తున్న వ‌ర‌ద‌రాజ్ మ‌న్నార్ పాత్ర‌కు సంబంధించిన పోస్ట‌ర్‌ను విడుద‌ల చేశారు. మ‌ల‌యాళంలో పృథ్వీరాజ్ సుకుమార్‌కి ఉన్న క్రేజ్‌ గురించి అంద‌రికీ తెలిసిందే. అలాంటి ఓ స్టార్ యాక్ట‌ర్‌ 'సలార్' సినిమాలో న‌టిస్తున్నాడు.

'సలార్' చిత్రంలో పృథ్వీరాజ్ సుకుమారన్ ఫ‌స్ట్ లుక్ పోస్ట‌ర్ అదిరింది. వ‌ర‌ద‌రాజ్ మ‌న్నార్ పాత్ర .. ప్ర‌భాస్ పాత్ర‌కు ధీటుగా ఉంది. ఈ ఇద్ద‌రు స్టార్ హీరోల మ‌ధ్య గొప్ప డ్రామాను మ‌నం 'సలార్' సినిమాలో చూడ‌బోతున్నాం. అదే ఈ సినిమాలో మెయిన్ హైలైట్‌.

సినిమాలో ప్రభాస్ స‌ర‌స‌న శృతిహాసన్ హీరోయిన్‌. 5 భాష‌ల్లో సినిమా రూపొందుతోంది. ప్ర‌భాస్‌, పృధ్వీరాజ్ తో పాటు జ‌గ‌ప‌తి బాబు, ఈశ్వ‌రీ రావు, శ్రియా రెడ్డి త‌దిత‌రులు ఇత‌ర కీల‌క పాత్ర‌ల్లో న‌టిస్తున్నారు. స‌లార్ చిత్రాన్ని ప్ర‌పంచవ్యాప్తంగా వ‌చ్చే ఏడాది సెప్టెంబ‌ర్ 28న విడుద‌ల చేస్తున్నారు.