Adipurush: ఆదిపురుష్ కోసం విదేశాలకు ప్రభాస్

పాన్ ఇండియన్ స్టార్ ప్రభాస్ హీరోగా కృతి సనన్ హీరోయిన్ గా ఓం రౌత్ దర్శకత్వంలో తెరకెక్కిన సినిమా ఆదిపురుష్. ఈ మైథలాజికల్ మూవీపై ఆడియన్స్ లో ఎన్నో అంచనాలు ఉన్నాయి. ఇటీవల ఈ మూవీ నుంచి విడుదలైన సాంగ్స్, ట్రయిలర్స్ అన్నీ పెద్ద హిట్టవ్వడంతో, అంచనాలు మరింత పెరిగాయి.

ఇందులో ప్రభాస్ రాఘవగా, కృతి సనన్ జానకిగా కనిపించనుండగా బాలీవుడ్ యాక్టర్ సైఫ్ అలీ ఖాన్ రావణ్ పాత్ర చేస్తున్నాడు. టి సిరీస్ ఫిలిమ్స్, రెట్రో ఫైల్స్ సంస్థలపై ప్రతిష్టాత్మకంగా నిర్మించిన ఈ సినిమా, జూన్ 16న భారీ స్థాయిలో థియేటర్లలోకి రానుంది.

ఇప్పటికే దేశవ్యాప్తంగా ప్రచారం నిర్వహిస్తున్న యూనిట్.. ఇప్పుడు యూఏఈలో కూడా ప్రమోషన్ చేసే విషయంపై ఆలోచన చేస్తోంది. దీని కోసం ప్రభాస్, దుబాయ్ వెళ్తాడని అంటున్నారు. అయితే దీనిపై ఆదిపురుష్ మేకర్స్ నుంచి ఆఫీషియల్ గా ప్రకటన రావాల్సి ఉంది. ఎందుకంటే, ఈ సినిమా విడుదలకు ఇంకా 3 రోజులు మాత్రమే టైమ్ ఉంది.

ఇండియాలోనే ముంబయి, పూణె, ఇండోర్, చెన్నైలాంటి ప్రాంతాల్లో ఇంకా ప్రభాస్ పర్యటించలేదు. అలాంటిది ఈ టైమ్ లో విదేశీ పర్యటన అంటే ప్రాక్టికల్ గా సాధ్యమా అనే విషయాన్ని ఆలోచిస్తున్నారు.