Prabhas | కొత్త సినిమా ప్రారంభించిన ప్రభాస్

వరుస సినిమాలతో బిజీగా ఉన్న ప్రభాస్ కొత్త సినిమా ప్రారంభించాడు. హను రాఘవపూడి దర్శకత్వంలో ఓ సినిమాకు ప్రభాస్ గ్రీన్ సిగ్నల్ ఇచ్చిన సంగతి తెలిసిందే. ఇప్పుడీ ప్రాజెక్టు లాంఛనంగా ప్రారంభమైంది.

హైదరాబాద్ లో జరిగిన ఈ సినిమా ప్రారంభోత్సవానికి సలార్ దర్శకుడు ప్రశాంత్ నీల్ ప్రత్యేక అతిథిగా హాజరయ్యాడు. డైరెక్టర్ హను రాఘవపూడి ఈ సినిమా కోసం1940 బ్యాక్ డ్రాప్ లో హిస్టారికల్, పవర్ ఫుల్ వారియర్ స్క్రిప్ట్ ని సిద్ధం చేశాడు.

ఈ సినిమా కోసం కొత్తమ్మాయిని తీసుకున్నాడు ప్రభాస్. సోషల్ మీడియాలో పాపులరైన ఇమాన్విని సెలక్ట్ చేశారు. కథ ప్రకారం, ఈ సినిమాకు డాన్స్ తెలిసిన కొత్త ముఖం కావాలి. ఇమాన్వి తన డాన్స్ తో ఆల్రెడీ పాపులర్ అయింది. అందుకే ఆమెను సెలక్ట్ చేశారు.

విశాల్ చంద్రశేఖర్ ఈ సినిమాకు సంగీతం అందిస్తున్నాడు. ఆల్రెడీ 3 సాంగ్స్ కంపోజ్ చేశాడు. మైత్రీ మూవీ మేకర్స్ బ్యానర్ పై, ఈ నెల్లోనే ఈ సినిమా సెట్స్ పైకి వస్తుంది.