Naveen Polishetty | జాతిరత్నాలు కాంబినేషన్ రిపీట్
Naveen Polishetty and Anudeep - జాతిరత్నాలు కాంబినేషన్ మళ్లీ కలవబోతోంది. వచ్చే ఏడాది ఈ సినిమా ఉంటుంది.
జాతిరత్నాలు.. నవీన్ పొలిశెట్టికి స్టార్ డమ్ తెచ్చిపెట్టిన సినిమా. దర్శకుడు అనుదీప్ ను ఓవర్ నైట్ లో స్టార్ ను చేసిన సినిమా. థియేటర్లలో ఈ సినిమా సృష్టించిన ప్రభంజనం అంతా ఇంతా కాదు. అయితే జాతిరత్నాలు రిలీజై ఇన్నేళ్లయినా, ఇప్పటివరకు ఈ హీరో, దర్శకుడు మళ్లీ కలిసి సినిమా చేయలేదు.
ఎట్టకేలకు ఆ టైమ్ రానే వచ్చింది. అనుదీప్ దర్శకత్వంలో ఓ సినిమా చేయబోతున్నట్టు ప్రకటించాడు నవీన్ పొలిశెట్టి. దానికి సంబంధించిన పూర్తి వివరాలు వెల్లడించాడు.
"ప్రస్తుతం నేను, అనుదీప్ స్టోరీ డిస్కషన్లలో ఉన్నాం. ఓ హిలేరియస్ సబ్జెక్ట్ అనుకున్నాం. ప్రస్తుతం రైటింగ్ వర్క్ నడుస్తోంది. స్క్రీన్ ప్లే పూర్తయిన వెంటనే సినిమాను ఎనౌన్స్ చేస్తాం."
ఇలా అనుదీప్ తో సినిమా చేయబోతున్న విషయాన్ని బయటపెట్టాడు నవీన్. వచ్చే ఏడాదిలో ఈ సినిమా సెట్స్ పైకి వస్తుందని క్లారిటీ ఇచ్చాడు ఈ హీరో.
జాతిరత్నాలు తర్వాత లాంగ్ గ్యాప్ తీసుకున్న ఈ హీరో, ఎట్టకేలకు మిస్ శెట్టి మిస్టర్ పొలిశెట్టి సినిమాతో థియేటర్లలోకి వస్తున్నాడు. ఇకపై తన నుంచి ఇంత గ్యాప్ ఉండదని, ఏడాదికి కనీసం 2 సినిమాలు రిలీజ్ అయ్యేలా ప్లాన్ చేస్తానని అంటున్నాడు.
