Narakasura | ఒక టికెట్ పై ఇద్దరికి ఛాన్స్
Narakasura Movie - తమ సినిమాకు రీచ్ పెంచేందుకు నరకాసుర యూనిట్ కొత్త ఆఫర్ తెచ్చింది. ఒక టికెట్ పై ఇద్దరు సినిమా చూసే అవకాశం కల్పించింది.
రక్షిత్ అట్లూరి, అపర్ణ జనార్థన్, సంకీర్తన విపిన్ హీరోహీరోయిన్స్ గా నటించి ఇటీవలే ప్రేక్షకుల ముందుకొచ్చింది "నరకాసుర" సినిమా. సుముఖ క్రియేషన్స్, ఐడియల్ ఫిలిం మేకర్స్ బ్యానర్స్ లో డాక్టర్ అజ్జా శ్రీనివాస్ నిర్మించిన ఈ చిత్రానికి సెబాస్టియన్ దర్శకత్వం వహించాడు. "నరకాసుర" మూవీకి అన్ని వర్గాల ప్రేక్షకుల నుంచి మంచి రెస్పాన్స్ వస్తోంది. ఈ నేపథ్యంలో సినిమా సక్సెస్ మీట్ లో తమ సంతోషాన్ని వ్యక్తం చేశారు "నరకాసుర" మూవీ టీమ్. ఈ సందర్భంగా బంపరాఫర్ ప్రకటించారు.
సోమవారం నుంచి ఈ సినిమాను థియేటర్స్ లో ఒక టికెట్ పై ఇద్దరు ప్రేక్షకులు చూసే అవకాశం కల్పించారు మేకర్స్. అంటే.. ఇద్దరు కలిసి సినిమాకెళ్లి ఒక టికెట్ తీసుకుంటే సరిపోతుందన్నమాట. నరకాసుర సినిమా మరింత మంది ప్రేక్షకులకు దగ్గరవ్వాలనే ఉద్దేశంతో ఈ నిర్ణయం తీసుకున్నట్టు హీరో రక్షిత్ వెల్లడించాడు.
ట్రాన్స్ జెండర్స్ ను చిన్న చూపు చూడకూడదు మనుషులంతా ఒక్కటే అనే సందేశాన్ని ఈ సినిమాలో ఇచ్చారు. ఇది ప్రేక్షకులకు బాగా రీచ్ అవుతోందట. ఇది మరింత మంది ప్రేక్షకులకు చేరేలా ఈ ఆఫర్ పెట్టారు. అయితే ఇది వీకెండ్స్ కు వర్తించదు. కేవలం గురువారం వరకు మాత్రమే.
అపర్ణ జనార్థన్, సంకీర్తన విపిన్ హీరోయిన్లుగా నటించిన ఈ సినిమాలో శత్రు, నాజర్, చరణ్ రాజ్, తేజ చరణ్ రాజ్, శ్రీమాన్, తదితరులు కీలక పాత్రలు పోషించారు. నాఫాల్ రాజా ఈ సినిమాకు సంగీతం అందించాడు.
