Saripodhaa Sanivaaram | నాని సినిమా టీజర్ రిలీజ్
Saripodhaa Sanivaaram - నాని కొత్త సినిమా సరిపోదా శనివారం. ఈ మూవీ టీజర్ రిలీజైంది. ఎలా ఉందో చూద్దాం.
నేచురల్ స్టార్ నాని, డైరెక్టర్ వివేక్ ఆత్రేయ రెండో సారి కలిశారు. వీళ్ల కాంబోలో పాన్ ఇండియా ఫిల్మ్ 'సరిపోదా శనివారం' తెరకెక్కుతున్న సంగతి తెలిసిందే. 'అంటే సుందరానికీ' చిత్రంలో నాని సాఫ్ట్ పాత్రలో కనిపించగా, ఈ చిత్రంలో మునుపెన్నడూ లేని యాక్షన్-ప్యాక్డ్ పాత్రలో ఆశ్చర్యపరచబోతున్నాడు. డివివి ఎంటర్‌టైన్‌మెంట్స్‌పై డివివి దానయ్య, కళ్యాణ్ దాసరి భారీ బడ్జెట్‌తో ఈ ప్రాజెక్ట్‌ని నిర్మిస్తున్నారు. నానికి బర్త్ డే విషెస్ తెలుపుతూ టీజర్‌ను విడుదల చేశారు.
నాని పాత్ర ప్రత్యేక స్వభావాన్ని సూచించే ఎస్ జే సూర్య వాయిస్‌ఓవర్‌తో టీజర్ ప్రారంభమైంది, అతని పాత్ర పేరు సూర్య. ప్రతి మనిషిలాగే, హీరోకి కూడా కోపం వస్తుంది, కానీ అతను దానిని ప్రతిరోజూ చూపించడు. అతనిలో ఉన్న ప్రత్యేకత ఏమిటంటే, అతను జరిగిన సంఘటనలన్నింటినీ పేపర్‌పై వ్రాసి, శనివారాల్లో తనను ఇబ్బంది పెట్టేవారిని వేటాడడం ప్రారంభిస్తాడు. ఈ గ్లింప్స్ పోలీసుగా కనిపించిన ఎస్ జే సూర్య, నాని పుట్టినరోజు సందర్భంగా శుభాకాంక్షలు తెలపడంతో ముగుస్తుంది.
మొదటి నుంచి వివేక్ ఆత్రేయ తనదైన కాన్సెప్ట్‌లతో సినిమాలు చేస్తూ ప్రత్యేకతను చాటుకుంటున్నాడు. ఇప్పుడు తొలిసారిగా పక్కా కమర్షియల్‌ ఎంటర్‌టైనర్‌ చేస్తున్నాడు. నాని క్యారెక్టర్‌ని ప్రెజెంట్ చేసిన విధానం, టీజర్‌ని కట్ చేసిన విధానం ఆకట్టుకున్నాయి.
ఈ చిత్రంలో ప్రియాంక అరుల్ మోహన్ హీరోయిన్. కార్తీక శ్రీనివాస్ ఎడిటర్. ఈ పాన్ ఇండియా చిత్రం ఆగస్ట్ 29న తెలుగు, తమిళం, కన్నడ, మలయాళం, హిందీ భాషల్లో గ్రాండ్ విడుదల కానుంది.
