Hi Nanna | మరో 2 రోజుల్లో నాని సినిమా టీజర్
Hi Nanna Teaser - నాని హీరోగా నటిస్తున్న సినిమా హాయ్ నాన్న. ఈ సినిమా టీజర్ రెడీ అయింది. మరో 2 రోజుల్లో రిలీజ్ కానుంది.
నేచురల్ స్టార్ నాని తాజా చిత్రం ‘హాయ్ నాన్నా’. ఈ సినిమాను రొమాంటిక్ ఫ్యామిలీ ఎంటర్ టైనర్ గా చెబుతున్నారు మేకర్స్. ఈ సినిమా నుంచి ఇప్పటికే 2 సాంగ్స్ రిలీజయ్యాయి. హేషమ్ అందించిన ఈ సాంగ్స్ కు మంచి రెస్పాన్స్ వచ్చింది. ఇప్పుడీ పాటల ప్రమోషన్ కు విరామం ఇచ్చారు. ఈ గ్యాప్ లో టీజర్ ను విడుదల చేయబోతున్నారు.
‘హాయ్ నాన్నా’ టీజర్ రెడీ అయింది. మరో అక్టోబర్ 15న ఈ టీజర్ ను విడుదల చేస్తారు. ఈ మేరకు ఓ పోస్టర్ కూడా రిలీజ్ చేశారు. పోస్టర్ లో నాని, మృణాల్ ఠాకూర్ కెమిస్ట్రీ బాగుంది. ఈ చిత్రానికి సంబంధించిన కోర్ పాయింట్‌ను టీమ్ ఇంకా వెల్లడించలేదు. ఇది తండ్రీకూతుళ్ల సినిమానా లేక, రొమాంటిక్ మూవీనా అనే సందేహాలున్నాయి. టీజర్ తో ఈ సందేహాలకు చిన్న సమాధానం దొరికే అవకాశం ఉంది.
శౌర్యువ్ దర్శకత్వం వహిస్తున్న ఈ చిత్రంలో మృణాల్ ఠాకూర్ హీరోయిన్ గా నటిస్తోంది. కీలకమైన పాత్రలో బేబీ కియారా ఖన్నా నటిస్తోంది. హీరో నానికి కూతురుగా ఆమె నటించింది. వైర ఎంటర్‌టైన్‌మెంట్స్‌పై మోహన్ చెరుకూరి, డాక్టర్ విజయేందర్ రెడ్డి సంయుక్తంగా ఈ సినిమాను నిర్మిస్తున్నారు.
ఈ సినిమాకు మంచి టెక్నికల్ టీమ్ పనిచేస్తోంది. హేషమ్ అబ్దుల్ వహాబ్ సంగీతం అందిస్తుండగా, సాను జాన్ వర్గీస్ సినిమాటోగ్రాఫర్. ‘హాయ్ నాన్నా’ చిత్రాన్ని ఈ ఏడాది డిసెంబర్ 21న తెలుగు, తమిళం, కన్నడ, మలయాళం, హిందీ భాషల్లో విడుదల చేసేందుకు ప్లాన్ చేస్తున్నారు. దసరా తర్వాత నాని చేస్తున్న మూవీ ఇది. అతడి కెరీర్ లోనే భారీ బడ్జెట్ తో ఈ సినిమా తెరకెక్కుతోంది. అంతేకాదు, ఈ సినిమా కోసం నాని కెరీర్ హయ్యస్ట్ రెమ్యూనరేషన్ అందుకున్నట్టు టాక్.
