Nagarjuna: మార్చి నుంచి నాగార్జున సినిమా

అక్కినేని నాగార్జున హీరోగా బెజవాడ ప్రసన్న కుమార్ దర్శకత్వంలో ఓ సినిమా తెరకెక్కబోతుంది. ఈ సినిమా గురించి ఇంకా ప్రకటన రాలేదు కానీ , ప్రస్తుతం ప్రీ ప్రొడక్షన్ వర్క్ శరవేగంగా జరుగుతుంది. మార్చి నుంచి రెగ్యులర్ షూట్ ప్లాన్ చేస్తున్నారు. ఈ సినిమాను ఈనెల్లోనే లాంచ్ చేయాలని చూస్తున్నారు.

సినిమాకు సంబంధించి ప్రస్తుతం కాస్టింగ్, లొకేషన్స్ ఫైనల్ చేసే పనిలో ఉన్నారు మేకర్స్. ధమాకా తో బ్లాక్ బస్టర్ హిట్ అందుకున్న రచయిత ప్రసన్న కుమార్ ఈ సినిమాతో దర్శకుడిగా మారబోతున్నాడు. ప్రసన్న ఈ సినిమాను 70, 80ల నాటి పీరియాడికల్ డ్రామాగా తెరకెక్కించనున్నాడు

త్వరలోనే ఈ సినిమా ప్రకటన రానుంది. విలేజ్ ఫ్యామిలీ డ్రామాగా తెరకెక్కనున్న ఈ సినిమాను శ్రీనివాసా సిల్వర్ స్క్రీన్ బ్యానర్‌పై శ్రీనివాస చిట్టూరి నిర్మిస్తున్నాడు. ఈ సినిమాలో అల్లరి నరేష్ ఓ కీలక పాత్రలో నటిస్తాడని టాక్ వినిపిస్తుంది. దీనిపై ఇంకా మేకర్స్ నుంచి క్లారిటీ లేదు.

నిజానికి ఇదొక రీమేక్ సినిమా. మలయాళంలో సూపర్ హిట్టయిన సినిమాకు రీమేక్ గా, తన 99వ చిత్రంగా నాగ్ ఈ సినిమా చేయబోతున్నాడు. ఈ కథకు భారీ మార్పుచేర్పులు చేస్తున్నాడు బెజవాడ ప్రసన్నకుమార్.