Shiva Re-Release | మళ్లీ థియేటర్లలోకి వస్తున్న కల్ట్ మూవీ

రామ్ గోపాల్ వర్మ డైరక్ట్ చేసిన తొలి సినిమా శివ. నాగార్జున హీరోగా నటించిన ఈ చిత్రం తెలుగు సినిమాల్లో కల్ట్ స్టేటస్ అందుకుంది. నాగార్జున కెరీర్ లో మైల్ స్టోన్ మూవీ ఇది. టెక్నికల్ గా అప్పట్లో ఇదొక ట్రెండ్ సెట్టర్. ఇప్పుడీ సినిమా మరోసారి థియేటర్లలోకి వస్తోంది.

నాగార్జున పుట్టినరోజు సందర్భంగా వచ్చేనెల 29న శివ సినిమాను రీ-రిలీజ్ చేయబోతున్నారు. దీని కోసం సినిమా 4కె ఫార్మాట్ పనులు చురుగ్గా సాగుతున్నాయి. ఈ సినిమాలో అమలతో కలిసి నటించారు నాగ్. ఇళయరాజా సంగీతం, డైలాగ్స్ ఈ సినిమాకు ప్రాణం.

శివ సినిమాలో రఘువరన్ విలన్ గా నటించాడు. తనికెళ్ల భరణి విలన్ పక్కనుంచే పాత్రలో నటించారు. ఇక జేడీ చక్రవర్తి మరో కీలక పాత్ర పోషించాడు. వీళ్లందరికీ శివ సినిమా బ్రేక్ ఇచ్చింది.

అన్నపూర్ణ స్టూడియస్ బ్యానర్ పై తెరకెక్కిన ఈ సినిమా రికార్డులు తిరగరాసింది. ఈ సినిమాతో రామ్ గోపాల్ వర్మ పేరు మారుమోగిపోయింది. ఇదే సినిమాను తెలుగులో రీమేక్ చేశాడు వర్మ. నాగార్జునే హీరోగా నటించాడు. బాలీవుడ్ లో కూడా ఈ సినిమా పెద్ద హిట్టయింది.