నాగ్, అఖిల్ కాంబోలో సినిమా

నాగార్జున, అఖిల్ కలిసి స్క్రీన్ షేర్ చేసుకోవడం కొత్త కాదు. అఖిల్ మొదటి చిత్రంలో నాగ్ నటించాడు. ఇక మనం సినిమాలో కూడా అఖిల్-నాగ్ కలిసి కనిపించారు. అయితే అఖిల్ సినిమాలో ఫుల్ లెంగ్త్ రోల్ ఎప్పుడూ చేయలేదు నాగార్జున. వీళ్లిద్దరి కాంబినేషన్ లో పక్కా మల్టీస్టారర్ రాలేదు.

ఇప్పుడు ఆ టైమ్ రానే వచ్చింది. అఖిల్ తో ఓ సినిమా చేస్తానని నాగార్జున ప్రకటించాడు. అఖిల్, నాగార్జున హీరోలుగా ఓ సినిమా రాబోతోంది. దీనికి సంబంధించిన వర్క్ జరుగుతోందంట. త్వరలోనే అధికారిక ప్రకటన వచ్చే అవకాశం ఉంది.

కర్నూల్ లో ది ఘోస్ట్ ప్రీ రిలీజ్ ఫంక్షన్ గ్రాండ్ గా జరిగింది. నాగచైతన్య, అఖిల్ ఈ ఈవెంట్ కు స్పెషల్ గెస్టులుగా వచ్చారు. ఈ వేదికపై మాట్లాడిన నాగార్జున, అఖిల్ తో మల్టీస్టారర్ మూవీ చేయబోతున్నట్టు అధికారికంగా ప్రకటించాడు.

నాగార్జున-నాగచైతన్య కాంబినేషన్ అందరికీ తెలిసిందే. తాజాగా ఇద్దరూ కలిసి బంగార్రాజు సినిమా కూడా చేశారు. అంతకంటే ముందు మనం సినిమాలో నటించారు. అఖిల్ తో మాత్రం నాగార్జున, ఫుల్ లెంగ్త్ రోల్ ఎప్పుడూ చేయలేదు. అది ఇప్పుడు సాకారం కాబోతోంది.