Murudados | లాంగ్ గ్యాప్ తర్వాత మురుగదాస్ నుంచి మూవీ
Murudados - దాదాపు మూడేళ్ల విరామం తర్వాత కొత్త సినిమా ప్రకటించాడు మురుగదాస్. శివకార్తికేయన్ హీరో.
ఏఆర్ మురుగదాస్, శివకార్తికేయన్ ఒక భారీ ప్రాజెక్ట్ కోసం చేతులు కలిపారు. శ్రీ లక్ష్మి మూవీస్ బ్యానర్ పై పాన్ ఇండియా స్థాయిలో ఈ చిత్రం రాబోతోంది. దర్శకుడు మురుగదాస్ పుట్టినరోజున అఫీషియల్ గా ఎనౌన్స్ చేసిన ఈ క్రేజీ ప్రాజెక్ట్ అభిమానులను ఎక్సయిట్ చేసింది.
ఫ్యామిలీ ఆడియన్స్, ముఖ్యంగా పిల్లలలో భారీ ఫాలోయింగ్ ఉన్న హీరో శివకార్తికేయన్, దర్శకుడు ఎఆర్ మురుగదాస్‌తో కలిసి ఉన్న ఫోటోలు తన సోషల్ మీడియా పేజీలో పోస్ట్ చేయడం ద్వారా వార్తలను అధికారికంగా ధృవీకరించాడు. కెరీర్ లో శివకార్తికేయన్ కు ఇది 23వ చిత్రం.
“డియర్ మురుగదాస్ సార్, మీకు పుట్టినరోజు శుభాకాంక్షలు. ఈ చిత్రం నాకు అన్ని విధాలా చాలా ప్రత్యేకమైనది. చిత్రీకరణ ప్రారంభించడానికి ఆసక్తిగా ఎదురుచూస్తున్నాను. చాలా ధన్యవాదాలు సార్. మరోసారి పుట్టినరోజు శుభాకాంక్షలు" అని శివకార్తికేయన్ పోస్ట్ చేశాడు. దీనిపై దర్శకుడు ఏఆర్ మురుగదాస్ స్పందించాడు. కలిసి సినిమాటిక్ మ్యాజిక్‌ను సృష్టిద్దాం అంటూ రీట్వీట్ చేశాడు.
శివకార్తికేయన్‌తో గతంలో బ్లాక్‌బస్టర్ మాన్ కరాటే చిత్రాన్ని నిర్మించాడు మురుగదాస్. మళ్లీ ఇన్నేళ్లకు అతడ్ని డైరక్ట్ చేస్తున్నాడు. ఈ చిత్రం ప్రీప్రొడక్షన్ దశలో ఉంది. ఇతర నటీనటులు, టీం వివరాలు మేకర్స్ త్వరలో తెలియజేస్తారు.
