Miss Shetty Mr Polishetty | బోల్డ్ కంటెంట్ ఉంది, అడల్ట్ కంటెంట్ కాదు

ఈరోజు థియేటర్లలోకి వచ్చింది మిస్ శెట్టి మిస్టర్ పొలిశెట్టి సినిమా. నవీన్ పొలిశెట్టి, అనుష్క శెట్టి హీరోహీరోయిన్లుగా నటించిన ఈ మూవీపై మరింత క్లారిటీ ఇచ్చాడు దర్శకుడు మహేష్ బాబు. ఈ సినిమాలో బోల్డ్ కంటెంట్ ఉంటుందని, అడల్ట్ కంటెంట్ మాత్రం ఉండదని చెబుతున్నాడు.

"ఈ సినిమాలో బోల్డ్ కంటెంట్ ఉంటుంది కానీ అడల్ట్ కంటెంట్ కాదు. అనుష్క, నవీన్ లాంటి యాక్టర్స్ కు ఒక ఇమేజ్, క్రెడిబిలిటీ ఉంటుంది. కంటెంట్ బాగా లేకుంటే అసలు వాళ్లే ఈ సినిమా ఒప్పుకోరు. సెన్సార్ నుంచి యూఏ సర్టిఫికెట్ వచ్చింది. ఒక్క క్షణం కూడా ఇబ్బంది పడకుండా సినిమా చూశామని సెన్సార్ వాళ్లు చెప్పారు. ఈ కథ నెరేట్ చేస్తున్నప్పుడు కూడా ఫస్ట్ టైమ్ అనుష్క దగ్గర ఇబ్బంది అనిపించింది. అయితే ఆమె ఎంతో ఓపెన్ మైండ్ తో కథ విన్నారు. నేను మరోసారి కథ డీటెయిల్డ్ గా చెప్పడానికి వెళ్లినప్పుడు కూడా ఆమె ఎంజాయ్ చేస్తూ నెరేషన్ విన్నారు."

ఈ కథ ఇప్పటిది కాదంటున్నాడు మహేష్ బాబు. 2019లోనే నవీన్ పొలిశెట్టికి చెప్పాడంట. ఆ టైమ్ లో జాతిరత్నాలు సినిమా ప్రమోషన్ లో అతడు బిజీగా ఉన్నాడట. కథ విన్న 3 నెలల తర్వాత ఓకే చెప్పాడట నవీన్.

"2019లో నవీన్ కు కథ చెప్పా. ఆయన 3 నెలలు టైమ్ తీసుకుని ఓకే చెప్పారు. లీడ్ పెయిర్ కుదిరాక 2020 ఫిబ్రవరి నాటికి షూటింగ్ ఫిక్స్ చేసుకున్నాం. మార్చిలో ఫస్ట్ షెడ్యూల్ వేసుకున్నాం. అప్పుడే పాండమిక్ వచ్చేసింది. మరోవైపు నవీన్, జాతిరత్నాలు ప్రమోషన్ కోసం యూఎస్ వెళ్లి అక్కడ స్ట్రక్ అయ్యారు. లాక్ డౌన్ లో అందరం ఇంటికే పరిమితం కావాల్సి వచ్చింది. అలా ఈ ప్రాజెక్ట్ అనుకున్న టైమ్ కంటే లేటయ్యింది. రిలీజ్ డేట్ పోస్ట్ పోన్ అవడం మాత్రం పోస్ట్ ప్రొడక్షన్ మరింత క్వాలిటీగా చేద్దామనే."

ఈరోజు థియేటర్లలోకి వచ్చింది మిస్ శెట్టి మిస్టర్ పొలిశెట్టి సినిమా. ఓవర్సీస్ నుంచి ఈ సినిమాకు మంచి టాక్ వచ్చింది.