Meera Chopra | మరో హీరోయిన్ పెళ్లికి రెడీ
Meera Chopra: ఇప్పుడు మీరా చోప్రా వైవాహిక బంధంలోకి అడుగుపెట్టేందుకు సిద్ధమౌతోంది. అన్నీ అనుకున్నట్టు జరిగితే మార్చి 11న మీరా చోప్రా పెళ్లి ఉంటుంది.
బాలీవుడ్ లో మరో హీరోయిన్ పెళ్లికి సిద్ధమైంది. ఇప్పటికే రకుల్ ప్రీత్ సింగ్ పెళ్లి చేసుకోగా.. ఇప్పుడు మీరా చోప్రా వైవాహిక బంధంలోకి అడుగుపెట్టేందుకు సిద్ధమౌతోంది. అన్నీ అనుకున్నట్టు జరిగితే మార్చి 11న మీరా చోప్రా పెళ్లి ఉంటుంది.
ముంబయికి చెందిన ఓ వ్యాపారవేత్తతో దాదాపు ఆరేళ్లుగా డేటింగ్ లో ఉంది మీరా చోప్రా. బాలీవుడ్ లో చిన్న సినిమాలు చేస్తూ, మరోవైపు ఓటీటీలో నటిస్తూ, ఇంకోవైపు ఇలా లవ్ లైఫ్ ను కొనసాగిస్తోంది. ఇప్పుడీ ఇద్దరూ పెళ్లి చేసుకోవాలని నిర్ణయించుకున్నారు.
జైపూర్ లోనే ఓ ప్యాలెస్ లో మీరా చోప్రా పెళ్లి జరుగుతుంది. తనకు కాబోయే భర్త వివరాల్ని ఇప్పటివరకు బయటకు వెళ్లడించలేదు మీరా చోప్రా. మరికొన్ని రోజుల్లో ఈ వివరాలు బయటకు రాబోతున్నాయి. తెలుగులో బంగారం, వాన లాంటి సినిమాలతో ఈమె గుర్తింపు తెచ్చుకుంది.
ఇక రకుల్ ప్రీత్ విషయానికొస్తే, గోవాలో ఈమె వివాహం అట్టహాసంగా జరిగింది. 3 రోజుల పెళ్లి వేడుక తర్వాత తిరిగి సినిమాల్లో బిజీ కానుంది రకుల్. ప్రస్తుతానికి ఆమె హనీమూన్ ప్లాన్ చేయడం లేదు. ఒప్పుకున్న సినిమాలన్నీ పూర్తయిన తర్వాత హనీమూన్ కు వెళ్తారు రకుల్-జాకీ భగ్నానీ జంట.
