AAY Movie | ఆయ్ మూవీ నుంచి అదిరిపోయే సాంగ్

ఎన్నో సక్సెస్‌ఫుల్ చిత్రాలను అందించిన ప్రతిష్టాత్మక సంస్థ GA2 పిక్చర్స్ బ్యానర్ పై వస్తోంది ‘ఆయ్’ మూవీ. నార్నే నితిన్, నయన్ సారిక హీరోహీరోయిన్లుగా నటిస్తున్నారు. అంజి ఈ చిత్రంతో దర్శకుడిగా పరిచయమౌతున్నాడు. బన్నీ వాసు, విద్యా కొప్పినీడి ఈ ఫన్ ఎంటర్‌టైనర్‌ను నిర్మిస్తున్నారు.

ఆయ్ సినిమా ప్రమోషనల్ కార్యక్రమాలను చిత్ర యూనిట్ పక్కా ప్లానింగ్ ప్రకారం చేసుకుంటూ వస్తుంది. టైటిల్ రివీల్ సహా సినిమా కంటెంట్‌కు సంబంధించిన వీడియోలు, పోస్ట‌ర్స్‌, సాంగ్స్ అన్నింటికీ ప్రేక్ష‌కుల నుంచి మంచి స్పంద‌న వ‌చ్చింది. ఈ క్ర‌మంలో మేక‌ర్స్ ఈ మూవీ నుంచి ‘రంగనాయకి’ అనే మాస్ సాంగ్‌ను మేకర్స్ విడుదల చేశారు.

రీసెంట్‌గా విడుద‌లైన ఈ సాంగ్ ప్రోమోతో పాట‌పై మంచి హైప్ క్రియేట్ అయింది. తాజాగా విడుద‌లైన లిరిక‌ల్ సాంగ్ ప్రేక్ష‌కుల‌ను మ‌రింతంగా ఆక‌ట్టుకుంటోంది. మాస్ బీట్‌తో ఉన్న ఈ పాట‌ను వింటుంటే స్టెప్స్ వేయాల‌నిపించేలా ఉంది.

ప్ర‌స్తుతం సూప‌ర్ హిట్ పాట‌ల‌కు కేరాఫ్‌గా మారిన రామ్ మిర్యాల ఈ చిత్రానికి సంగీతాన్ని అందించ‌టం విశేషం. సురేష్ బనిశెట్టి రాసిన ఈ పాటను మోస్ట్ హ్యాపెనింగ్ సింగర్ అనురాగ్ కులకర్ణి ఆలపించాడు. భాను మాస్టర్ నృత్య రీతుల‌ను స‌మ‌కూర్చాడు.

నితిన్‌, న‌య‌న్ సారిక జోడి సిల్వ‌ర్ స్క్రీన్‌పై చూడచ‌క్క‌గా ఉంది. ఈ సాంగ్‌ సోష‌ల్ మీడియాలో వైర‌ల్ అవుతుంద‌న‌టంలో సందేహం లేదు. త్వరలోనే సినిమా విడుదల తేదీని ప్రకటిస్తారు.