Market Mahalakshmi | ఈవిడ మార్కెట్ మహాలక్ష్మి

కేరింత మూవీ ఫేమ్ హీరో పార్వతీశం, కొత్తమ్మాయి ప్రణీకాన్వికా జంటగా నటిస్తున్న చిత్రం 'మార్కెట్ మహాలక్ష్మి'. వియస్ ముఖేష్ యువ దర్శకత్వంలో, ప్రొడ్యూజర్ అఖిలేష్ కలారు ఈ చిత్రాన్ని నిర్మించారు. బి2పి స్టూడియోస్ ద్వారా తెరకెక్కిన ఈ చిత్రంలో హర్ష వర్ధన్, మహబూబ్ బాషా, ముక్కు అవినాష్ ప్రధాన పాత్రలో పోషించనున్నారు.

ఈ మూవీ 'కాన్సెప్ట్ మోషన్ పోస్టర్' ని డైరెక్టర్ & రైటర్ 'బివిఎస్ రవి' ట్విట్టర్ ద్వారా డిజిటల్ లాంచ్ చేశాడు. గతంలో హీరో పార్వతీశం తన మూవీస్ తో ప్రేక్షకులని అలరించాడని 'మార్కెట్ మహాలక్ష్మి' తో మంచి సక్సెస్ అందుకోవాలంటూ టీమ్ అందరికి ఆల్ ది బెస్ట్ చెప్పాడు.

ఓ సాఫ్ట్ వేర్ ఇంజినీర్, రైతుబజార్లో కూరగాయలు అమ్ముకునే అమ్మాయిని ఎందుకు ఇష్టపడతాడు.. ఆ అమ్మాయి కోసం ఏం చేశాడనే కథతో ఈ సినిమా తెరకెక్కుతోంది. మిష్టర్ జో ఈ సినిమాకు సంగీతం అందిస్తున్నాడు.

ఇప్పటివరకు తెలుగుతెరపై ఇలాంటి కాన్సెప్ట్ రాలేదంటున్నారు మేకర్స్. స్టోరీలైన్ వినడానికి ఆసక్తికరంగా ఉన్నప్పటికీ, ఇందులో చాలా మలుపులున్నాయని, ఫన్ తో పాటు మంచి థ్రిల్లింగ్ ఎలిమెంట్స్ కూడా ఉన్నాయని చెబుతున్నారు. త్వరలోనే టీజర్ రిలీజ్ చేయబోతున్నారు.