Love You Ram - లవ్ యు రామ్ ట్రయిలర్ రివ్యూ
Love You Ram Movie Trailer - రోహిత్ బెహల్, అపర్ణ హీరోహీరోయిన్లుగా నటించిన సినిమా లవ్ యూ రామ్. తాజాగా ఈ సినిమా ట్రయిలర్ లాంచ్ చేశారు.
సంతోషం’, ‘మిస్టర్‌ పర్‌ఫెక్ట్‌’ వంటి చిత్రాలతో గుర్తింపు తెచ్చుకున్న దర్శకుడు కె దశరధ్‌ నిర్మాతగా మారారు. అతను తన స్నేహితుడు డివై చౌదరితో కలిసి "లవ్ యు రామ్" అనే చిత్రాన్ని నిర్మించాడు. ఈ సినిమాకు కథ రాసింది దశరథే.
ఈ ప్రాజెక్టుకు డివై చౌదరి దర్శకత్వం వహించారు. ఈ చిత్రంలో హీరో రోహిత్ బెహల్. హీరోయిన్ అపర్ణ జనార్దన్. గతంలో విడుదలైన టీజర్‌కు పాజిటివ్ ఫీడ్‌బ్యాక్ వచ్చింది. తాజాగా ట్రైలర్ విడుదలైంది.
ట్రయిలర్ ప్రకారం.. సినిమా ఇండియా, నార్వే నేప‌థ్యంలో సాగ‌నుంది. అత్యాశగల వ్యక్తి, భావోద్వేగాలతో ఉండే అమ్మాయి మధ్య సంఘర్షణ ఈ సినిమా. ట్రైలర్‌లో కొత్తదనం ఏమీ లేదు, కానీ విజువల్స్, సౌండ్‌ట్రాక్ బాగున్నాయి.
"చాలామంది ప్రేమించడమే జీవితం అనుకుంటారు, కానీ నమ్మించడమే జీవితం" అంటాడు హీరో. తన అవసరం కోసం నమ్మించి, ఓ అమ్మాయిని ప్రేమించే పాత్రలో రోహిత్ కనిపిస్తున్నట్టు, ట్రయిలర్ చూస్తే అర్థమౌతుంది. హీరోహీరోయిన్ల ప్రేమ ఏ మలుపు తీసుకుందనేది ఈ సినిమా స్టోరీ.
లాంగ్ గ్యాప్ తర్వాత దశరథ్ నుంచి వస్తున్న సినిమా ఇది. ఈ మూవీకి కథ అందించడంతో పాటు, ఇందులో ఓ కీలక పాత్ర పోషించాడు ఈ దర్శకుడు. “లవ్ యు రామ్” జూన్ 30న విడుదల కానుంది.
