Kiran Abbavaram - నెల రోజుల గ్యాప్ లో మరో సినిమా
Kiran Abbavaram's Meter Movie - మరో సినిమా రెడీ చేశాడు కిరణ్ అబ్బవరం. మరో నెల రోజుల్లో థియేటర్లలోకి రాబోతోంది మీటర్ మూవీ.
మొన్ననే వినరో భాగ్యము విష్ణుకథ సినిమాతో ప్రేక్షకుల ముందుకొచ్చాడు కిరణ్ అబ్బవరం. ఇప్పుడు నెల రోజుల గ్యాప్ లోనే మరో సినిమాను సిద్ధం చేశాడు. ఆ సినిమా పేరు మీటర్. ఆ విశేషాలు మీకోసం..
కిరణ్ అబ్బవరం నటిస్తున్న పక్కా మాస్‌ కమర్షియల్‌ ఎంటర్‌టైనర్‌ ‘మీటర్’. మైత్రీ మూవీ మేకర్స్‌ సమర్పణలో, క్లాప్‌ ఎంటర్‌టైన్‌మెంట్స్ బ్యానర్ పై ఈ చిత్రం తెరకెక్కుతోంది. రమేష్‌ కాదూరి ఈ చిత్రం ద్వారా దర్శకుడిగా పరిచయమవుతున్నాడు.
ఈ చిత్రాన్ని ఏప్రిల్‌ 7న వేసవిలో విడుదల చేస్తున్నట్లు తాజాగా ప్రకటించారు నిర్మాతలు. ఈ చిత్రంలో కిరణ్ అబ్బవరం, పవర్‌ఫుల్‌ పోలీస్‌ఆఫీసర్‌గా కనిపించబోతున్నాడు. ఆయన లుక్‌, పాత్ర అన్ని కొత్తగా ఉంటాయట. కిరణ్ కెరీర్‌లో అత్యధిక బడ్జెట్‌తో నిర్మించిన చిత్రమిది.
అతుల్య రవి హీరోయిన్ గా నటిస్తున్న ఈ చిత్రానికి సాయి కార్తీక్ సంగీతం అందిస్తున్నాడు. వినరో భాగ్యము విష్ణుకథ ఇచ్చిన సక్సెస్ ను మీటర్ తో కంటిన్యూ చేయాలనుకుంటున్నాడు కిరణ్ అబ్బవరం.
