అబ్బవరం నుంచి మరో సినిమా
వరుసపెట్టి సినిమాలు చేస్తున్న కిరణ్ అబ్బవరం, తాజాగా మరో సినిమా ఫస్ట్ లుక్ రిలీజ్ చేశాడు.
కిరణ్ అబ్బవరం హీరోగా రూపొందుతున్న తాజా చిత్రం పేరు మీటర్. రమేష్ కాదూరి దర్శకుడు. ప్రముఖ నిర్మాణ సంస్థలు క్లాప్ ఎంటర్‌టైన్‌మెంట్, మైత్రీమూవీ మేకర్స్ సంస్థలు ఈ చిత్రాన్ని సంయుక్తంగా నిర్మిస్తున్నాయి. తాజాగా ఈ సినిమా ఫస్ట్ లుక్ పోస్టర్ ను రిలీజ్ చేశారు.
ఈ ఫస్ట్‌లుక్‌లో కలర్‌ఫుల్ షర్ట్‌తో.. ఫుల్‌ మాస్ లుక్‌తో కనిపిస్తున్నాడు హీరో కిరణ్. ఈ లుక్‌తో పాటు టైటిల్ కూడా అందరిలోనూ ఆసక్తిని కలిగిస్తుంది. మోషన్‌ పోస్టర్‌కు సాయి కార్తీక్ అందించిన మాస్ బ్యాగ్రౌండ్ స్కోర్ చూస్తుంటే ఇది పక్కా కమర్షియల్ పైసా వసూల్ చిత్రంగా అనిపిస్తోంది.
ఈ చిత్రం కిరణ్ అబ్బవరం ఇమేజ్‌ను రెట్టింపు చేసే విధంగా ఉంటుందని చెబుతోంది చిత్ర బృందం. అతుల్య రవి హీరోయిన్ గా నటిస్తున్న ఈ సినిమాకు సాయికార్తీక్ సంగీతం అందిస్తున్నాడు. ప్రస్తుతం షూటింగ్ దశలో ఉన్న ఈ సినిమాను ఈ ఏడాదిలోనే విడుదల చేయడానికి ప్రయత్నిస్తున్నారు.
ఇప్పటికే కిరణ్ అబ్బవరం చేతిలో నేను మీకు బాగా కావాల్సిన వాడ్ని, వినరో భాగ్యము విష్ణు కథ సినిమాలున్నాయి. ఈ రెండూ కచ్చితంగా ఈ ఏడాదిలోనే థియేటర్లలోకి వస్తాయి. మీటర్ సినిమా కూడా ఈ ఏడాది వస్తే, రిలీజుల విషయంలో అబ్బవరం రికార్డ్ సృష్టించినోడు అవుతాడు.
