Bharateeyudu 2 | కమల్ సినిమా ట్రయిలర్ రెడీ
Kamal Haasan's Bharateeyudu 2 - కమల్-శంకర్ కాంబోలో తెరకెక్కిన సినిమా భారతీయుడు-2. ఈ సినిమా ట్రయిలర్ రెడీ అయింది.
![Bharateeyudu 2 | కమల్ సినిమా ట్రయిలర్ రెడీ Bharateeyudu 2 | కమల్ సినిమా ట్రయిలర్ రెడీ](https://www.teluguglobal.com/h-upload/2024/04/06/1316799-bharateeyudu-2.webp)
యూనివర్సల్ స్టార్ కమల్ హాసన్, సెన్సేషనల్ డైరెక్టర్ శంకర్ కాంబినేషన్లో లైకా ప్రొడక్షన్స్ నిర్మించిన భారీ బడ్జెట్ చిత్రం ‘భారతీయుడు 2’. ప్రపంచవ్యాప్తంగా తెలుగు, తమిళ, హిందీ భాషల్లో జూలై 12న ఈ చిత్రం గ్రాండ్ లెవల్లో రిలీజ్ కానుంది. ఈ క్రమంలో జూన్ 25న ‘భారతీయుడు 2’ ట్రైలర్ను తెలుగు, తమిళ, హిందీ భాషల్లో విడుదల చేస్తున్నారు.
ఈ సినిమా ట్రయిలర్ లాంచ్ ను ముంబయిలో ప్లాన్ చేశారు. ఈ ఈవెంట్ కు కమల్ హాసన్, రకుల్, కాజల్ అగర్వాల్ ప్రత్యేక ఆకర్షణగా నిలవబోతున్నారు.
‘భారతీయుడు 2’ మూవీ తెలుగు థియేట్రికల్ హక్కులను ఏషియన్ సురేష్ ఎంటర్టైన్మెంట్స్ ఎల్ఎల్పి, సీడెడ్ హక్కులను శ్రీలక్ష్మి మూవీస్ సంస్థలు దక్కించుకున్నాయి. అవినీతికి వ్యతిరేకంగా పోరాటం చేసిన సేనాపతిగా ‘భారతీయుడు’ చిత్రంలో కమల్ హాసన్ మెప్పించారు. ఇప్పుడు దీనికి కొనసాగింపుగా ‘భారతీయుడు 2’ రానుంది. మూవీపై భారీ అంచనాలు నెలకొన్నాయి.
కమల్ హాసన్ టైటిల్ పాత్రలో నటిస్తోన్న ఈ చిత్రంలో సిద్ధార్థ్, కాజల్ అగర్వాల్, రకుల్ ప్రీత్ సింగ్, ప్రియా భవానీ శంకర్, ఎస్.జె.సూర్య, బాబీ సింహ తదితరులు నటిస్తున్నారు. రవివర్మన్ సినిమాటోగ్రఫీ అందిస్తోన్న ఈ చిత్రానికి అనిరుద్ రవిచంద్రన్ సంగీతాన్ని అందిస్తున్నాడు.