May 9 - సెంటిమెంట్ డేట్ మిస్
Kalki Movie - అన్నీ అనుకున్నట్టు జరిగితే కల్కి సినిమా థియేటర్లలోకి వచ్చి ఇవాళ్టికి 2 రోజులయ్యేది. కానీ అలా జరగలేదు. సెంటిమెంట్ మిస్సయింది.
మే 9 గడిచిపోయింది.. అన్నీ అనుకున్నట్టు జరిగితే ఈపాటికి కల్కి సినిమా థియేటర్లలోకి వచ్చి ఉండేది. కానీ అలా జరగలేదు. బాక్సాఫీస్ వెలవెలబోయింది. నిజానికి ఈ తేదీ గురించి ప్రత్యేకంగా చెప్పుకోవాల్సిన పనిలేదు. ఎన్నో డేట్స్ మిస్ అవుతుంటాయి.
కానీ మే 9 అలాంటి సాధారణ తేదీ కాదు. ఇదే తేదీకి జగదేకవీరుడు అతిలోసుందరి లాంటి ఇండస్ట్రీ హిట్ వచ్చింది. ఇదే తేదీకి మహానటి లాంటి క్లాసిక్ వచ్చింది. అందుకే ఇదే తేదీకి కల్కి సినిమాను విడుదల చేయాలనుకున్నాడు నిర్మాత అశ్వనీదత్. కానీ అతడి ఆశలు ఫలించలేదు.
ఎన్నికల కారణంగా కల్కి సినిమాను అనివార్యంగా వాయిదా వేయాల్సి వచ్చింది. అన్నట్టు ఇదే తేదీకి గతంలో మహర్షి సినిమా వచ్చింది. మహేష్ హీరోగా నటించిన ఈ సినిమా కూడా పెద్ద హిట్టయింది. ఇలా మే 9 తేదీ చుట్టూ చాలా సెంటిమెంట్ ఉంది. అలాంటి సెంటిమెంట్ తేదీని మిస్ చేసుకోవడం ఇటు యూనిట్ కు, అటు ప్రభాస్ అభిమానులకు కూడా నిరాశే. కానీ తప్పదు.
నాగ్ అశ్విన్ దర్శకత్వంలో తెరకెక్కుతోంది కల్కి సినిమా. దీపిక పదుకోన్, దిశా పటానీ హీరోయిన్లుగా నటిస్తున్న ఈ సినిమాలో అమితాబ్ బచ్చన్ ఓ కీలక పాత్ర పోషిస్తున్నారు. కమల్ హాసన్ విలన్ గా కనిపించబోతున్నారు. కల్కి పార్ట్-1 జూన్ చివరి వారంలో రిలీజ్ అవుతుంది. ఆ వెంటనే పార్ట్-2 షూట్ మొదలవుతుంది.
