Kalki Movie | ఈసారి సల్మాన్, అమీర్ ఖాన్ వంతు
Kalki Movie - కల్కి సినిమా రికార్డుల మీద రికార్డులు సృష్టిస్తోంది. ఇప్పుడు సల్మాన్, అమీర్ సినిమాల్ని గురిపెట్టింది.
![సీక్వెలా? మూడేళ్ళు వెయిట్ చేయండి! సీక్వెలా? మూడేళ్ళు వెయిట్ చేయండి!](https://www.teluguglobal.com/h-upload/2024/06/29/1340324-kalki.webp)
ప్రభాస్ హీరోగా నటించిన కల్కి సినిమా దేశవ్యాప్తంగా దుమ్ముదులుపుతోంది. ఇప్పటికే ఓవర్సీస్ లో టాప్-5లో చేరిన ఈ సినిమా, దేశీయంగా కూడా రికార్డుల మీద రికార్డులు సృష్టిస్తోంది. విడుదలైన 10 రోజుల్లోనే, అత్యథిక వసూళ్లు సాధించిన టాప్-10 సినిమాల లిస్ట్ లోకి చేరింది.
ఇప్పటికే ఎన్నో సినిమాల్ని దాటేసి టాప్-10లో చేరిన ఈ సినిమా, ఇప్పుడు సల్మాన్, అమీర్ ఖాన్ సినిమాలపై కన్నేసింది. సల్మాన్ నటించిన భజరంగీ భాయ్ జాన్ దేశవ్యాప్తంగా 870 కోట్ల రూపాయల వసూళ్లు సాధించింది, ఇక అమిర్ నటించిన సీక్రెట్ సూపర్ స్టార్ సినిమా 835 కోట్లు కలెక్ట్ చేసింది.
ఈ రెండు సినిమాల్ని త్వరలోనే కల్కి క్రాస్ చేయబోతోంది. ప్రస్తుతం ఈ సినిమా వసూళ్లు 800 కోట్ల రూపాయలకు పైగా సాగుతున్నాయి. మరో 2 రోజుల్లో సల్మాన్, అమీర్ రికార్డులు చెల్లాచెదురుకాబోతున్నాయి. అమీర్ నటించిన దంగల్ సినిమాను దాటాలంటే, కల్కి సినిమా ఇండియా అంతటా స్టడీగా మరో 10 రోజులు ఆడాల్సి ఉంటుందని ట్రేడ్ భావిస్తోంది.
ఇండియాలో టాప్-10 హయ్యస్ట్ గ్రాసర్ సినిమాలివే..
1. దంగల్ - రూ. 1950 కోట్లు
2. బాహుబలి 2 - రూ. 1810 కోట్లు
3. ఆర్ఆర్ఆర్ - రూ. 1290 కోట్లు
4. కేజీఎఫ్ 2 - రూ. 1230 కోట్లు
5. జవాన్ - రూ. 1160 కోట్లు
6. పటాన్ - రూ. 1050 కోట్లు
7. యానిమల్ - రూ. 950 కోట్లు
8. భజరంగీ భాయ్ జాన్ - రూ. 870 కోట్లు
9. సీక్రెట్ సూపర్ స్టార్ - రూ. 835 కోట్లు
10. కల్కి - రూ. 800 కోట్లు