Vedaa | పంద్రాగస్టు బరిలో మరో సినిమా
Vedaa Movie - డిఫరెంట్ కాన్సెప్ట్ తో వస్తోంది వేద సినిమా. జాన్ అబ్రహాం పాత్ర ఇందులో హైలెట్ అంటున్నారు.
జాన్ అబ్ర‌హం, శ‌ర్వారి ప్ర‌ధాన పాత్ర‌ధారులుగా నిఖిల్ అద్వానీ ద‌ర్శ‌క‌త్వంలో తెర‌కెక్కిన భారీ యాక్ష‌న్ థ్రిల్ల‌ర్ ‘వేద’. జీ స్టూడియోస్, ఎమ్మాయ్ ఎంట‌ర్‌టైన్‌మెంట్‌ బ్యాన‌ర్స్‌పై రూపొందిన ఈ చిత్రం ఇండిపెండెన్స్ డే సంద‌ర్భంగా ఆగ‌స్ట్ 15న విడుద‌ల‌వుతుంది. ఈ నేప‌థ్యంలో మేక‌ర్స్ ఈ మూవీ ట్రైల‌ర్‌ను విడుద‌ల చేశారు.
‘వేద’ అనే అమ్మాయి జీవితాన్ని తెలియ‌జేసే చిత్ర‌మే ఇది. న్యాయం కోసం ఆమె చేసే పోరాటాన్ని చూపించే సినిమా ఇది. మ‌నిషి అనుకుంటే సాధించ‌లేనిది ఏదీ లేదు అని చెప్పే ధృఢ‌మైన మ‌న‌స్త‌త్వాన్ని, ఎదురు తిరిగి పోరాడే త‌త్వాన్ని ఈ క‌థ ద్వారా తెలియ‌చెప్పే ప్ర‌య‌త్నం చేస్తున్నారు.
ఈ ప్రయాణంలో వేదకు తోడుగా, ర‌క్ష‌ణ క‌వ‌చంగా ఓ మాజీ సైనికుడు నిల‌బ‌డ్డాడు. అత‌ని అండతో ఆమె ఎంత వ‌ర‌కు పోరాడిందో తెలియ‌జెప్పే క‌థాంశ‌మే ఈ మూవీ.
‘వేద’ ట్రైలర్ చూస్తుంటే రొమాలు నిక్కబొడిచేంత యాక్ష‌న్ స‌న్నివేశాలున్నాయ‌ని అర్థ‌మ‌వుతుంది. సినిమాలో హై యాక్ష‌న్, ఎమోష‌న‌ల్ స‌న్నివేశాలు ఆకట్టుకుంటున్నాయి. న్యాయం కోసం ప్ర‌మాద‌క‌ర‌మైన మార్గంలోకి వేద అనే అమ్మాయి ప్ర‌యాణాన్ని ప్రారంభించిన‌ప్పుడు ఆమెకు ఎదుర‌య్యే స‌వాళ్ల‌ను సినిమా మ‌న‌కు ఆవిష్క‌రించే ప్ర‌య‌త్నం చేస్తుంది.
