Selfish - సెల్పిష్ సరసన లవ్ టుడే బ్యూటీ
Ivana Selfish Movie - లవ్ టుడే బ్యూటీ ఇవానా తొలి తెలుగు సినిమా రెడీ అవుతోంది. సెల్ఫిష్ నుంచి ఆమె ఫస్ట్ లుక్ రిలీజ్ చేశారు.
'రౌడీ బాయ్స్'తో హీరోగా మారిన ఆశిష్ రెడ్డి తదుపరి చిత్రం సెల్ఫిష్. కాశీ విశాల్ దర్శకుడిగా పరిచయమౌతున్నాడు. సుకుమార్ రైటింగ్స్ బ్యానర్ పై సుకుమార్.. శ్రీ వెంకటేశ్వర క్రియేషన్స్ బ్యానర్ పై దిల్ రాజు, శిరీష్ లు కలిసి సంయుక్తంగా ఈ సినిమాను నిర్మిస్తున్నారు.
ఇందులో ఆశిష్ మాస్ క్యారెక్టర్‌లో నటిస్తున్నాడు. దీనికి సంబంధించి ఆల్రెడీ ఫస్ట్ లుక్ రిలీజ్ చేశారు. తాజాగా ఈ చిత్రంలో హీరోయిన్ గా నటిస్తున్నా ఇవానా ను చైత్ర పాత్రలో పరిచయం చేశారు. ఫస్ట్ లుక్ పోస్టర్ ఇవానా ఏదో ఆందోళనలో ఉన్నట్లుగా కనిపించగా.. ఆశిష్ ఆమెని తదేకంగా చూస్తునట్లుగా కనిపిస్తున్నాడు.
ఇవానా ఇందులో ఫైనాన్సియల్ ఎనలిస్ట్ గా కనిపిస్తుంది. పోస్టర్‌లో ఇవానా లుక్ సింపుల్‌గా ఉంది. ఈ కథ హైదరాబాద్‌లోని పాతబస్తీలో జరుగుతుంది. ఆశిష్ సెల్ఫిష్ ఓల్డ్ సిటీ వ్యక్తిగా కనిపిస్తాడు. అతను జీవితంలో సుఖాన్ని మాత్రమే కోరుకునే వ్యక్తి.
మిక్కీ జె మేయర్ సంగీతాన్ని అందిస్తున్న ఈ చిత్రం ప్రస్తుతం షూటింగ్ స్టేజ్ లో ఉంది. హైదరాబాద్ లో వేసిన ప్రత్యేకమైన సెట్ లో షూటింగ్ చేస్తున్నారు.
